FOTOLAJM/ Nis bërja e vaksinës kundër Covid. Ja si presin njerëzit në radhë në Moskë

Ishte shteti i parë që deklaroi zyrtarisht prodhimin e një vaksine kundër koronavirusit dhe po ashtu është i pari vend në botë që pas testimeve të suksesshme ka nisur bërjen masive në popullatë.

Është fjala për Rusinë e cila ka nisur sot nga procesi i vaksinimit kundër koronavirusit të ri, fillimisht te stafet mjekësore dhe më pas edhe në kategori të tjera të popullatës.

Sipas BBC, vaksina “Sputnik V” është regjistruar në gusht të këtij viti dhe prodhuesit thonë se, ka efektivitet prej 95 për qind.

Njerëzit janë regjistruar për të marrë vaksinën dhe para klinikave aktualisht ka radhë, raportohet nga mediat vendase.

Vaksina jepet me dy doza. Prodhuesit thonë se, nuk ka efekte anësore, edhe pse ekspertët perëndimorë kanë shprehur rezervat e tyre.

Megjithatë problemi është se sa vaksina mund të prodhojë Rusia. Sipas BBC, prodhuesit thonë se, deri në fund të këtij viti do mund të prodhojnë vetëm 2 milionë doza.

Vetëm Moska, ku ka nisur fillimisht procesi, është një qytet me 13 milionë banorë.

Por është edhe një kompani e dytë ruse që ka prodhuar një tjetër vaksinë, edhe ajo pothuaj se e njëjtë për nga suksesi dhe efektshmëria me “Sputnik V”.

Duket se kjo do të jetë një tjetër zgjidhje, edhe pse vendi me rreth 150 milionë banorë ka nevojë për shumë më shumë doza vaksinash.

/Burimi: BBC/Përshtati: GazetaReforma.com/