Ditën e sotme Prokuroria për Krime të Rënda ka hequr dorë nga dosja 184, duke shpallur moskompetencë.
Që nga muaji korrik dosja i kishte kaluar Prokurorisë së Dibrës. Kjo prokurori do të caktojë edhe prokurorin për hetimet, pasi drejtuesja e Prokurorisë së Dibrës, Emeralda Cami është në konflikt interesi me personat e përfshirë në dosje.
Krimet e Rënda u shprehën edhe më herët se nuk kishin kompetencë për të hetuar krimet zgjedhore, ndaj edhe dosja iu kalua Prokurorisë së rrethit Dibër.
Personat që janë vënë nën hetim nga kjo dosje janë zyrtarë dhe ish-zyrtarë të lartë në Dibër.
Mësohet se Esmeralda Cami ka lidhje të afërta me Arben Keshin. Ky i fundit është zyrtar në Ministrinë e Brendshme që u kap në përgjimet e “Bild” me kryeministrin Rama duke bërë presione për vota në periudhë zgjedhjesh në Dibër.
Sias “joqalbania”, Arben Keshi, sipas regjistrit të gjendjes civile, rezulton të jetë djali i xhaxhait të Gentjan Keshit, i cili është bashkëshorti i prokurores, Esmeralda Cami.
Kjo dosje është zvarritur për 3 vite pa asnjë rezultat, për të cilën ditën e sotme, Krimet e Rënda shpallën moskompetencën.
