Derbi Tirana-Partizani do të mbyllë javën e 15-të të Kategorisë Superiore, me takimin që do të zhvillohet sot në stadiumin “Arena Kombëtare”, duke nisur nga ora 19:00.
Dy skuadrat e kryeqytetit vijnë në këtë sfidë pas ecurive të ndryshme: Tirana ka pasur vështirësi deri para dy javësh dhe tani synon të vazhdojë serinë pozitive, ndërsa Partizani mban kreun e renditjes dhe kërkon të ruajë formën e shkëlqyer.
Sa i përket përballjeve të fundit mes dy ekipeve, statistikat janë në favor të Partizanit, që ka fituar 3 herë dhe ka arritur 2 barazime, ndërsa Tirana nuk ka shënuar asnjë fitore në pesë ndeshjet e fundit.
