Përfshirja e figurave të njohura të botës së artit si Robert Ndrenika apo Tinka Kurti në spotet elektorale të Partisë Socialiste shkaktoi reagime të shumta në media dhe në opinionin publik. Vetw artistwt duken tw ndarw nw dy kampe nga politika, ndwrsa njw pjesw e identitetit kulturor tw Shqipwrisw shfaqet e tjetwrsuar. Në lidhje me këtë ka komentuar së fundi edhe regjisori Edmond Budina i cili i ftuar në News 24 ka thënë se nuk dënon askënd për bindjet e veta politike, por koherenca ka vlerë në këtë botë. Për Budinën diçka e tillë është e turpshme, por ai nuk i gjykon pasi mund të kenë “halle më të mëdha”
“Unë nuk dënoj asnjë që ka bindje të caktuara politike. Është e drejtë e çdo individi të bëjë zgjedhjen e tij por njeriu duhet të ketë një lloj koherence. Unë asnjëherë nuk kam thënë që do të shtrihem para teatrit, apo do vërvitem në varr nëse teatri shembet. Për mua është e pakonceptueshme që si artistët, të mos pranojë idenë e ruajtje se teatrit dhe ndërtimit të një të riu diku tjetër. nuk e koncepetoj dot si mundet të biesh dakord me një shtet e një qeveri që dhunon koleget dhe e shemb teatrin me kolegët e tu brenda. Është jashtë mendjes të mos të të dhimbset që rruspa i bie teatrit me kostumet varur. Dhe të mos thuash asnjë llaf. Çfarëdo interesi të kesh! Për mua është e turpshme. Megjithatë, unë as i kam gjykuar as nuk i marr nëpër gojë. Unë kam qenë ky që jam. Unë nganjëherë iu qaj edhe hallin se mund të kenë edhe halle shumë të mëdha. Secili bën zgjedhjen e vet, nuk i vë në kryq, por koherenca vlen në këtë botë”, tha Budina.
Ndërkohë nuk ka vonuar edhe përgjigja e Ndrenikës i cili ka thënë se Budina nga teatri u katapultua në sekretar partie, por realisht i përqafoi shumë shpejt proceset demokratike dhe se “gjeti një pardesy të bardhë se deri atëherë mbante një golf leshi të zi dhe të palarë”
“Lavdi Perëndisë që jam ende gjallë…Ky Edmondi B…(udina) në teatër u katapultua zv sekretar partije dhe i thoshte org.bazë (çerdhja e gjarpërinjëve) kujdes nga Ndrenika se është reaksionar…por faleminderit se në stërvitje ushtarake më lejonte vetëm pushkë druri (që ishte shumë më e lehtë) po për “hir të s’vërtets” përqafoi shpejt proceset demokratike dhe se nga gjeti një pardesy të bardhë se deri në atë kohë mbante një golf leshi të zi dhe të pa larë !!!”, shkruan Ndrenika.
