Ditën e sotme drejtuesi politik i Partisë Socialiste për qarkun e Fierit, Taulant Balla është ndalur në një takim të zgjeruar me qytetarët, ka prezantuar kandidaten për Bashkinë, Eriselda Sefa. Në fjalën e tij, Balla tha se Eriselda Sefa ka një diferencë të madhe me kandidatin që ka përpara, sepse ka eksperiencë.
Nga Lushnja, Balla nuk i ka kursyer akuzat për dyshen Berisha- Meta, të cilët sipas tij strehohen në të njëjtin thes. Sipas Ballës, demokratët nuk mund të votojnë për një këshill bashkiak, ku gjysma e emrave janë të Ilir Metës.
Kemi një ekip që janë bërë bashkë brenda të njëjtit thes, edhe Saliu edhe Ilir Meta. Në fakt edhe para një viti Saliu vajti u strehua tek thesi i Ilir Metës. Edhe kësaj radhe në fakt ka hyrë kështu “rifugio”, dhe pyetja që i shtrohet demokratëve, atyre demokratëve të bukur e të ndershëm e gra të kësaj zone që ja kanë dhënë votën historikisht partisë demokratike, për arsye që ata i dinë vetë, natyrshëm kjo është demokracia, pluralizmi. Tani a mund të vazhdohet më ta quash veten democrat dhe të shkosh tja japësh votën Ilir Metës. Në listën e Këshillit Bashkiak të Lushnjes që ka paraqitur kjo #bashkëfitojmë më shumë se gjysma vjen nga partia e Ilir metës. Mund të ja japësh më votën kësajpartie që është fshehur Brenda Ilir Metës. Është dhe kjo partia tjetër po këta u rroftë vula, se nuk u hyri në punë vula përsa kohë nuk kanë një kandidat për çfarë e duan vulën. Nuk është zakon i shqiptarit që të shajë mikun, e dëgjuat para dy ditësh me të njëjtën gjuhë që na sulmon ne kundërshtarët e vet nga Edi Rama të parin dhe ne të tjerëve, me të njëjtën gjuhë pa i ardhur asnjë pikë turpi u turr të sulmonte Ambasadoren Amerikane. Turp, 80 vjeç burrë nuk ke, dakord na sulmo ne nga mëngjesi në darkë, çfarë smë ka thënë mua, sigurisht që kemi zgjedhur ti drejtohemi gjykatës dhe e kam thirrur në gjykatë, të vijë atje. Atje s’vjen, atje ka frikë, këtë pjesë e ka frikë. Pjesën e Prokurorisë dhe të Gjykatës, shtatë. Por nuk i shkon shqiptarit nuk është faji i Ambasadores Amerikanë që është shpallur Sali Berisha non grata, as i sekretarit, fajin e ka vet sepse e përfshiu veten e vet dhe familjen e vet në korrupsion. Fajin e paska Amerika që e çoi të birin të merrej me Gërdecin sikurse është dhe kjo historia e pagesave Ruse. Si ka mundësi që nuk më gjeten mua dhe Erionin këta Rusët, të na çonin ne noj lek. Sepse sdo e pranonim, sepse skemi lidhje, por i çojnë tek llogaria e Monikës dhe i Saliut. Ju duket e natyrshme që i çojnë tel llogaria e këtyre, natyrshëm sepse ua kanë bërë shërbimin.”
Duke i mëshuar fort faktit se në Lushnje është punuar, e projektet e nisur nuk do të ndalen, Balla është shprehur i bindur për fitoren e Eriselda Sefës në zgjedhjet e 14 majit.
