Endri Sadedinaj ka mbetur i lënduar si pasojë e një atentati në lagjen 10 korriku me lëndë plasëse. Ngjarja e rëndë ka ndodhur këtë mesditë pranë Lungomares dhe Sheshit të Flamurit në Vlorë, ku 34-vjeçari mësohet se ka marrë plagë të rënda në gjymtyrë dhe në fytyrë. I lënduari është dërguar me urgjencë në spital, ku edhe mësohet se ndodhet në gjendje të rëndë për jetën. Ishin banorët e lagjes të cilët të alarmuar kanë njoftuar policinë, pas shpërthimit të fuqishëm, ndërkohë që i janë afruar edhe për t’i dhënë ndihmën e parë.
Por edhe më herët Sadedinaj i kanë vënë tritol thuajse në të njëjtën datë, por 4 vite më parë. Më 16 dhjetor të 2017, 34-vjeçarit i kishin lënë lëndë plasëse pranë mjetit, por nuk u zbulua kurrë se kush ishte autori i ngjarjes.
Kamerat e sigurisë kapën vetëm një person që lëvizte pranë mjetit, i pamaskuar dhe që la kallëpin e mbuluar me letër natriban pranë makinës së biznesmenit. Lënda plasëse e montuar në mënyrë artizanale do të aktivizohej me një celular, por nuk fatmirësisht u pikas në kohë nga shënjestra.
“Nuk di se kush mund ta ketë bërë, unë nuk kam pasur konflikte me askënd dhe as nuk kam marrë kërcënime,”-tha ai asokohe kur u mor në pyetje nga ana e Policisë së Shtetit.
Endrit Sadedini është pronari i një lokali në Vlorë ku në Prill të 2017 u vra një person dhe u plagosën tre të tjerë. Në këtë ngjarje mbeti i vrarë Ergys Gjioveshi. Për ngjarjen u vunë në pranga Gani Tozaj, ndërsa Arianit Kondaj u shpall në kërkim. Ndërsa vetë Sadedini u ndoq penalisht për moskallëzim krimi. Sot, thuajse në të njëjtën datë historia është përsëritur dhe 34-vjeçarit i kanë vendosur sërish tritol, por tanimë i riu rrezikon jetën për shkak të plagëve të marra.
