Marson Murataj, njëri prej personave të arrestuar për zbulimin e 119 kg kokainë në kontejnerin e bananave në Vaqarr është rikthyer në burg. Vendimi është marrë nga Gjykata e Apelit të Tiranës, e cila ka vendosur që ndaj Muratajt të ndryshohet masa e sigurisë, nga “arrest shtëpie” në kthim pas hekurave të qelisë. Murataj, ka qenë menaxher shitjesh në kompaninë “Ziku”, ku u zbulua dhe një sasi kokaine që vinte nga Ekuadori.
Kujtojmë se në janar të këtij viti brenda dërgesave të kompanisë “Bana King”, u gjet një sasi prej 119 kg kokaine, e cila ishte fshehur në shtatë arka. 3 të arrestuarit nga operacioni që zbuloi 119 kilogramë kokainë në një magazinë në Vaqarr të Tiranës fshehur mes arkave me banane ardhur me kontejner nga Ekuadori, janë lënë në burg nga Gjykata Penale e Tiranës. Arrest me burg jep gjykata penale për Marson Murataj, Gëzim Kalaja dhe Hasan Salihu të cilët më pas u lanë në “arrest shtëpie” dhe në vendimin e fundit, do rikthehen në qlitë e burgut. Kontejneri me banane u nis nga Ekuadori dhe kaloi tranzit në Itali për të ardhur në Durrës.
Ajo që të bën përshtypje është se instancat përkatëse nuk kanë reaguar ende dhe se Trifon Murataj ende po vazhdon punën e tij i pasheqtësuar nga ligji, drejtësia. Asnjë prej institucioneve përkatëse nuk ka bërë transparencë. Kjo nuk është hera e parë që kompania e “Bana King” piketohet në skandale të tilla, por ajo që të bën përshtypje nga kjo histori, është fakti se nuk ka pasur një reagim zyrtar nga ana e ministrit të brendshëm, Bledi Çuçi, drejtorit të policisë, Gledis Nano, dhe as nga ana e drejtorit të Portit të Durrësit, Pirro Vengu, ndërsa nuk është marrë në pyetje as administratori i ‘Zico’ SH.A, Trifon Murataj. Gjithashtu nuk dihet as fati i drogës së sekuestruar e cila u fut në mërë të dyshimtë dhe nuk u saknua në skanerin në Durrës.
Marson Murataj, i punësuar si krye-menaxher i pritjes së kontejnerëve në Durrës, në kompaninë e Trifon Murataj merret me transportin e bananeve në magazina, shpërndarjen e tyre tek konsumatori, madje merret edhe me pagesën e reklamave televizive.
Marson Murataj njihet nga regjistrat e policisë si person me precedent penal, ndërsa akuzohet si grabitës me dhunë e hajdut biznesesh. Rruga e tij si plaçkitës ka nisur në momentin kur ai ishte vetëm 22-vjeç. Ka qenë pikërisht 2 dhjetor 2008, koha kur Marsoni u kap duke vjedhur një qendër interneti në qytetin e Fierit. Në këtë grabitje ai nuk ishte vetëm por në bashkëpunim me 4 persona të tjerë, konkretisht Kiljan Gjeçi, Donald Bitraj, Marson Murataj, Xh. M. dhe Vendim Murataj, ku 3 prej të cilëve, sot janë punësuar si shoferë të firmës, “ZICO Sh.A”, ose siç njihet ndryshe edhe si “Bana King”, ndërsa ende nuk janë arrestuar.
