Aksident me vdekje te Ura e Shkozës në Tiranë

Sot, më 14 qershor 2024, rreth orës 08:20, ka ndodhur një aksident tragjik te rrethrrotullimi i Shkozës në Tiranë. Automjeti me targa TR 6509 H, i drejtuar nga shtetasi Gezim Marashi, ka përplasur shtetasin Vlash Sokoli, 76 vjeç, i cili po lëvizte me biçikletë në bulevardin “Zhan D’ark”. Si pasojë e aksidentit, 76-vjeçari ka humbur jetën në vendngjarje.

Policia e Shtetit ka bërë të ditur se Grupi Hetimor po punon intensivisht për sqarimin e rrethanave të aksidentit. Në njoftimin e saj, Policia deklaron: “Më datë 14.06.2024, rreth orës 08:20, te rrethrrotullimi Shkozës, shtetasi G. M., 55 vjeç, duke drejtuar automjetin ka aksidentuar një shtetas ende të paidentifikuar, që lëvizte me biçikletë, i cili si pasojë e aksidentit ka humbur jetën.”

Ngjarja ka shkaktuar tronditje të thellë te banorët e zonës dhe përdoruesit e rrugës. Policia po vijon hetimet për të përcaktuar shkaqet e aksidentit dhe për të zbardhur çdo detaj të mundshëm lidhur me ngjarjen.