Aleksandër Nikolla do të lirohet nga burgu në Spanjë, pasi Gjykata e Toledos e ka shpallur të pafajshëm.
Shqiptari 47-vjeçar akuzohej për grabitjen me dhunë të një shtëpie një vitin 2007 dhe për sulm seksual.
Nikollës iu vunë prangat më 29 maj të 2018-ës, ndërsa pritet që të kthehet në Shqipëri, pasi është kapur teksa qëndronte pa dokumenta në Spanjë.
Shqiptari ka shlyer në paraburgim dënimin për grabitje, por kleçka është sulmi seksual.
Në vendimin e gjykatës thuhet se nuk ka prova që Aleksandri të jetë autor i sulmit seksual.
Ai akuzohet nga familjarët për shkak të një peshqiri, i cili mbante AND-në e tij.
E zonja e shtëpisë nuk e ka parë kush e ka abuzuar seksualisht pasi kishte të mbuluar fytyrën me peshqir, por është shprehur se i pranishëm në dhomë ka qenë Aleksandri dhe dikush tjetër..
Avokati i shqiptarit, Francisco Miguel Galiana, ka vënë në dyshim vlefshmërinë e kampionit gjenetik të marrë 13 vite më parë.
Gjatë grabitjes ishin katër persona, të cilët i mbyllën në banjo të zotët e shtëpisë.
Më pas ata tentuat që të përdhunonin të zonjën e shtëpisë.
Kjo e fundit tha në sallën e gjyqit duke qarë, se agresori ishte më i gjati prej grabitësve.
Më pas ajo shtoi se grabitësit morën 600 ose 800 euro që bashkëshorti i saj kishte në portofol dhe 2000 euro të vendosura në një mobilje.
Shqiptari u arrestua në vitin 2009 në Francë, por deri në 2017-ën nuk u bë krahasimi i profilit gjenetik.
Më pas ai shkoi në Maqedoni, vend në të cilin u arrestua dhe më pas u ekstradua drejt Spanjës.
Gjatë gjyqit, shqiptari shfaqi një sjellje të ashpër teksa e quajti një foto reporter “bir ku*ve”.
Ai gjithashtu iu drejtua gjyqtarit duke i thënë se nuk i pranon akuzat dhe do t’i përgjigjet pyetjeve vetëm me një avokat.
Burimi: abc.es
