Një zjarr i madh ka shpërthyer në lagjen Kordhoce të fshatit Lazarat në Bashkinë Gjirokastër. Flakët, të përforcuara nga era, po i afrohen banesave, duke shkaktuar shqetësim të madh për banorët e zonës, ndërkohë që ende nuk dihet shkaku i nisjes së zjarrit.
Forcat zjarrfikëse janë në vendngjarje dhe po punojnë intensivisht për të shuar vatrat e zjarrit, të cilat po përhapen në pjesën kodrinore pranë aksit nacional Gjirokastër-Kakavijë. Situata po bëhet gjithnjë e më e ndërlikuar me kalimin e minutave, pasi flakët vazhdojnë të përparojnë drejt banesave, duke rrezikuar jetën dhe pronat e banorëve.
