Është zbardhur vendimi i Gjykatës së Posaçme të Apelit në të cilin renditen arsyet pse u pranua kërkesa e SPAK për të hetuar ish-ministrin Fatmir Mediu. Në vendim argumentohet se mediu nuk ëhstë gjykuar më parë për çështjen “Gërdeci” dhe heqja e imunitetit do të lejtonte gjykimin.
“Sipas gjykatës së Strasburgut imuniteti as nuk përfundon procedurat kundër aplikantit, por vendimi i pezullon ato, dhe meqënëse koha pushon për qëllimet e kufizimit, kur procedurat penale pezullohen për shkak të imunitetit parlamentar kursi i drejtësisë thjesht vonohet derisa i akuzuari të pushojë së qeni deputet, kur procedime kundër tij mund të rifillojnë”, thuhet në vendim.
Më tej përmendet edhe Neni 66 i Kodit penal, ku thuhet se nga kryerja e veprës deri në çastin e marrjes përsipër si të pandehur kanë kaluar 10 vjet nga krimet që parashikojnë dënimin nga 5-10 vjet burgim. Por ndjekja penale për Fatmir Mediun nuk është shuar, pasi bredna afatit kohor ai mori cilësinë e të pandehurit.
“Neni 66 i Kodit penal, dispozitë e cila për rastin konkret, në mënyre eksplicite parashkruan se ‘nuk mund të bëhen ndjekje penale kur nga kryerja e veprës deri në çastin e marrjes përsipër si të pandehur kanë kaluar 10 vjet nga krimet që parashikojnë dënimin nga 5-10 vjet burgim. Ndjekja penale ndaj Fatmir Mediut nuk është shuar, pasi brenda afatit kohor 10 vjeçar nga kryerja e veprës penale ai mori cilësinë e të pandehurit në gjykim penal të ngritur përkundrejt tij”, argumenton GJKKO në vendim.
Çështja ndaj ish-ministrit Fatmir Mediu u mbyll një vit pas ngjarjes tragjike të Gërdecit, kur më pas ai u zgjodh deputet. Mbrojtja e tij argumentoi se prokuroria duhet t’i kërkonte sërish autorizim Kuvendit për heqjen e imunitetit. SPAK rihapi çështjen e Mediut pas rikallëzimit të Zamira Durdës, e cila humbi të birin si pasojë e shpërthimit. Gjykata e Posaçme e rrëzoi kërkesën e SPAK, duke thënë se kihsin kaluar afatet ligjore për rishqyrtim të çështjes dhe se kishte mungesë të provave të reja. Megjithastë Apeli i GJKKO e riktheu çështjen për rhetim.
