Rexhina Debrova, ndërroi jetë në prill të këtij viti, pasi solli në jetë fëmijën e saj të parë.
Familjarët kanë akuzuar ekipin mjekësor për neglizhencë, ndërsa spitali reagoi aso kohe duke shpjeguar se e reja humbi jetën si pasojë e një komplikacioni, edhe pse mjekët i ofruan shërbimin maksimal.
Së fundmi, janë zbardhur fakte të reja lidhur me këtë ngjarje.
Fiks Fare denoncoi mbrëmjen e sotme veprimet e mjekëve të Elbasanit, pasi kanë verifikuar se 25-vjeçarja vdiq si pasojë e veprimeve të tyre.
Kirurgu Ardjan Kadaifçiu, i cili bëri operacionin e Rexhinës është larguar në SHBA.
Bahkëshorti i Rexhinës, Alger Debrova, ka denocuar rastin pranë redaksisë së emisionit.
Algeri takoi stafin mjekësor, ndër të tjera edhe shefen e pavijonit të “Gjinekologjisë në Spitalin e Elbasanit’, e cila ditën e ngjarjes ka dhënë një deklaratë ku ka firmosur se rasti i Rexhina Debrovës ka qenë urgjencë.
Sipas informacioneve, shefja e gjinekologjisë është edhe kushurira e mjekut gjinekolog, ndërsa ajo thotë se e kanë detyruar të bëj atë deklaratë.
Algeri e pyet disa herë se kush e ka detyruar ta bëj atë deklaratë, ndërsa ajo nuk përgjigjet.
Në deklaratën e saj, shefja thotë se gruaja ka hyrë në sallë me urgjencë.
“Kam vuajtur shumë që e kam dhënë atë deklaratë, pasi s’kam qenë as këtu fare. Kam mallkuar veten që e dhashë atë deklaratë” thotë ajo, ndërsa është kontradiktore në ato që i thotë Algerit, ku fillimisht thotë se e ka parë Rexhinën të vdekur, më pas thotë se nuk e ka parë.
Vetë shefja thotë se e ka kushëri Ardian Kadaifçiun, ndërsa saktëson se Ardiani nuk ka punuar më pas ngjarjes, pasi ishte i tronditur.
Sipas dokumenteve, në raportin e parë mjekoligjor, nuk u nxor fajtor asnjë mjek.
Në këtë raport thuhet se ishte një komplikacion embioli amiotike, por pas këtij raporti u la detyrë nga prokurori që të ribëhej ekspertimi tjetër deri në datën 9 nëntor 2019.
Mirëpo, mësohet se ka dalë një tjetër akt ekspertimi, ku rezultoi se ka pasur neglizhencë mjekësore dhe se nuk janë bërë të gjitha ekzaminimet para operacionit.
Sipas raportit, pikërisht këto neglizhenca, sollën vdekjen e 25-vjeçares në sallën e lindjes.
