Në një intervistë televizive, historiani Paskal Milo ka reaguar në lidhje me vizitën e presidentit turk Rexhep Taip Erdogan, ndërsa tha se data 17 janar e vizitës së Erdogan në Shqipëri përkon me ditën e vdekjes së Gjergj Kastriot Skënderbeu, heroi i cili personifikoi një epokë të tërë të historisë kombëtare të shqiptarëve.
Paskal Milo:
Vizita e Erdogan në Shqipëri vjen në ditën që ka vdekur Skënderbeu. Nuk e di nëse kjo ka një lidhje, apo është rastësi.
Gjithashtu Milo foli edhe për shtrirjen e aktiviteteve turke në Shqipëri.
Historiani Paskal Milo:
Turqia është një fuqi rajonale që ka pretendime të mëdha dhe mbështetur në traditën historike të Turqisë, patjetër që ndan me shqiptarët dhe popullsi të tjera një histori të përbashkët. Si e tillë BP ka një rëndësi për Turqinë për gjeopolitikën rajonale. Ajo e sheh Ballkanin si një sferë ku mund të ushtrojë aktivitetin e vet. Çështjet e karakterit strategjik janë, por duhet të mos dalin jashtë marrëdhënieve me NATO dhe SHBA.
Ndërkohë gazetari shqiptar me bazë në Turqi, Abdylvehap Ejupi konfirmoi vizitën e presidentit turk në Shqipëri më datë 17 janar.
Abdylvehap Ejupi:
Po, Erdogan do të jetë në Shqipëri më 17 janar. Çdo herë problemi i FETO është I vazhdueshëm, por nuk mund të ndikojë në marrëdhënien mes dy vendeve. Do të diskutohet dhe vaksina Turkovac dhe Shqipëria mund të jetë e para që të marrë atë, falas.
