Virologu shqiptar, Arben Domi i drejton departamentin për zhvillimin e vaksinave në firmën Bioteknologjike GeoVax në SHBA, ka shpjeguar në lidhje me variantet e reja të koronavirusit, përkatësisht variantin “Delta” dhe variantin “Mu”.
Domi është shprehur se varianti “Mu” nuk është aq infektues sa varianti “Delta”. Ndër të tjera ai ka shpjeguar se varianti “Mu” është zbuluar që në muajin janar dhe ka thënë se që nga ajo kohë nuk ka arritur të regjistrojë më shumë raste se sa ka varianti “Delta”. Sipas mjekut Domi, në ndryshim me variantin “Deltan” varianti “Mu” është më rezistentë ndaj vaksinave.
“Varianti MU ka mutacione shtesë në proteinë. Dhe nga analizat laboratorike tregon që ka një rezistencë më të lartë ndaj vaksinave. Por në këtë variant nuk ka ndonjë shqetësim të madhe se nuk është në nivel të lartë nga varianti Delta. Se për herë të parë është në Janar në Kolumbi . Është në 39 shtete tashmë por janë shumë pak raste dhe nuk e dominon Deltën dhe ky variant nuk është aq infektues. Ana negative është se mund të ketë një rezistencë më të madhe ndaj vaksinës. Por do ketë variante shumë në vende të ndryshme. Mendimi im është se variante tre nuk do jenë më infektues por do kenë më shumë rezistencë.”, ka thënë mjeku Domi.
Ndër të tjera ai ka folur edhe për vaksinat dhe ka thënë se të gjitha vaksinat pas disa muajsh e humbin efikasitetin. Ndërsa ka cilësuar imunizimin natyral si më të fortë kundër COVID-19.
“Element tjetër për 6 mujorin është se ka antitrupa që bien por mbrojtja kryesore vjen nga antitrupa të tjerë dhe nga mbrojtja qelizore. Por edhe tek të vaksinuarit niveli i antitrupave është në nivel të ulët. Mbrojtja do vijë nga qelizat e kujtesës dhe jo nga antiturpat.”, ka thënë mjeku.
Domi ka thënë se varianti “Mu” nuk e shqetëson, ndërsa për variantin “Delta” ka thënë që ka studime serioze nga Izraeli dhe Britania dhe sipas tij paraqitet më i rrezikshëm.
“Varianti “Mu” nuk me shqetëson fare. Ndërsa për Deltën ka publikime serioz nga Izraeli dhe Britania. Tregojnë se efikasiteti i vaksinës bie në muajit e 6. Por vaksinat kryesore ndihmojnë shumë dhe që sëmundja të kalojë me qetësi. Por 95-97% e të vaksinuarve do e kenë të lehtë. Ndërkohë studimi i fundit që ka dalë në lidhje me vaksinën kineze. Për Coronavax Jo më tepër se 3 muaj pas dozës së dytë fillon rënia e efikasitet. Turqia fillojë të bëjë një dozë të tretë për vaksinën kineze dhe bënë një vaksinë të tretë në shumë raste edhe Pfizer.”, tha mjeku.
