Në vendimin më të fundit, Bordi i Transparencës ka vendosur ndryshim e çmimit të karburanteve sipas njoftimit të mëposhtëm. Duke nisur nga sot nafta do të shitet 210 lekë/l, benzina 192 lekë/l ndërsa gazi 69 lekë.
Çmimet e caktuara nga Bordi do të hynë në fuqi në datë 25 Janar, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Vlen të theksohet se shqiptarët e blejnë më shtrenjt naftën se vendet fqinje, teksa ekzistenca e Bordit të Transparëncës nuk ka bërë gjë tjetër përveçse ka zhvatur xhepat e shqiptarëve. Me pretekstin e një lufte që në fakt nuk ndikonte tek ne, Bordi përgatiti terrenin për të vjedhur shqiptarët, teksa çdo ditë e më shumë po shtohen zërat se ky grup oligarkësh që vendosin për çmimet e karburanteve në vendin tonë duhet të shkrihet. Në fakt “Gazeta Reforma” vazhdimisht ka evidentuar faktin se si Bordi në vendimet e tij asnjeherë të vetme nuk e ka reflektuar Bursën.
NJOFTIMI
Vendim i Bordit të Transparencës- 25.01.2023
Vendimet e Bordit të Transparencës në datë 25 Janar 2023 kanë ndryshime të çmimit nga ai i përcaktuar në mbledhjen e fundit.
Referuar të dhënave lidhur me bursën Platts të datës 24.01.2023, kemi ndryshime të çmimit nga ai përcaktuar në mbledhjen e fundit, konkretisht rezulton se çmimi (FOB/MED $ Ton) i Benzinës është 892, +50 nga data 16.01.2023, $/ Ton, ndërsa çmimi i Gazoilit/Diesel është 978, +41 nga data 16.01.2023, $/Ton. Kursi i këmbimit i BSH ka pësuar ulje të lehtë në 107. 56 (-0.43 nga data 16.01.2023).
Si rrjedhojë çmimet e vendosura janë :
Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 210 lekë/litri, ndërsa i shitjes me shumicë jo më shumë se 198 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 192 lekë/litri, ndërsa i shitjes me shumicë jo më shumë se 180 lekë/litër.
Çmimi i shitjes me pakicë i nënproduktit gaz, të jetë 69 lekë/litri me pakicë dhe i shitjes me shumicë 57 lekë/litër për automjetet.
Çmimi i gazoilit për peshkim është vendosur 116 lekë/litër.
Çmimet e caktuara nga Bordi do të hynë në fuqi në datë 25 Janar, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.
Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës
