Një person është ekzekutuar me armë zjarri në Peqin. Ngjarja është regjistruar në fshatin Pajovë të Peqinit. Mësohet se viktimë ka mbetur një 45-vjeçar, me inicialet Y.Xh. Ende nuk dihen rrethanat e ngjarjes, ndërkohë që policia është nisur për në vendin e krimit. Autori që ka vrarë shtetasin 45-vjeçar, është shtetasi me inicialet L.B, rreth 40 vjeç. Ditët e fundit në Shqipëri, vrasjet kanë qenë të shumta, ku vetëm dje u raportuan 7 të tilla.
Njoftimi i policisë Peqin – “Policia kap dhe vë në pranga disa minuta pas ngjarjes, autorin e vrasjes së 45-vjeçarit, ndodhur në fshatin Gjocaj, Peqin.
Më datë 08.06.2021, rreth orës 08:30, në fshatin Gjocaj, Peqin, gjatë një konflikti për motive të dobëta, shtetasi L. B, rreth 40 vjeç, banues në Gjocaj, ka plagosur me armë zjarri shtetasin Y. Xh, rreth 45 vjeç, banues në fshatin Pajov, i cili si pasojë e plagëve ta marra ndërroi jetë në spitalin e Peqinit.
Reagimi i menjëhershëm i Policisë bëri të mundur identifikimin e autorit, lokalizimin e vendndodhjes dhe pas disa minutash ndjekje nga shërbimet e Policisë u bë e mundur kapja dhe prangosja e autorit të dyshuar së bashku me armën e zjarrit pistoletë.
Grupi hetimor nën drejtimin e Prokurorisë po vijon punën për zbardhjen e plotë të rrethanave të ngjarjes”.
