Një zjarr masiv ka shpërthyer në Kamëz në orët e para të ditës së sotme. Pesë dyqane janë shkrumbuar nga flakët, ndërsa shkaqet e zjarrit ende nuk dihen.
Flakët kapluan dyqanet rreth orës 01:45 të 1 korrikut, ndërsa zjarrfikësja ka arritur që t’i shuajë rreth orës 03:00. Sipas raportimeve deri tani nuk ka të lënduar.
Nga flakët ka vetëm dëme materiale, ndërsa grupi hetimor po punon për zbardhjen e ngjarjes. Disa javë më parë një zjarr po ashtu masiv përfshiu një biznes makinash me qera në Kamëz, ku u dogjën disa automjete.
NJOFTIMI I POLICISË:
Kamëz/Informacion paraprak
Më datë 01.07.2024, rreth orës 01:40, në rrugën “Skënderbej”, ka rënë zjarr në një ish-magazinë shtetërore, brenda së cilës ka dyqane me rroba, fastfood, dhe me materiale plastike.
Zjarri është fikur dhe si pasojë ka vetëm dëme materiale.
Grupi hetimor, së bashku me ekspertët zjarrfikës, po punojnë për sqarimin e rrethanave të ngjarjes.
