Tifozët e dëshpëruar të Anglisë kanë filluar peticionet për të riluajtur finalen e Euro 2020 kundër Italisë pasi pretenduan se Giorgio Chiellini duhej të përjashtohej me karton të kuq.
Tre Luanët humbën 3-2 me penallti në finalen e Euro 2020 kundër Italisë me ekipet e që u ndanë në rezultatin në 1-1 pas kohës shtesë.
Por një numër tifozësh të pakënaqur kanë nisur peticione duke kërkuar që ndeshja të përsëritet për shkak të gjyqtarit ‘të njëanshëm’. Në fund të lojës, kapiteni i Italisë Chiellini, 36 vjeç, kapi Bukayo Saka prej bluze dhe e hodhi përtokë për të parandaluar një sulm të shkëputur.
Chiellinit iu tregua i verdhë nga gjyqtari Bjorn Kuipers për një faull cinik, me mbrojtësin që e dinte se ai kurrë nuk do ta kapte adoleshentin e shpejtë të Arsenalit – gati gjysma e moshës së tij, vetëm 19 vjeç.
Por një numër mbështetësish të Anglisë besojnë se mohimi i sulmit të Saka-së i dhe dështimi për të mos përjashtuar veteranin e mençur italian ishte i padrejtë – pavarësisht nga fakti që nuk dukej se po mohonte një mundësi të qartë për shënimin e golave.
Peticione të shumta të dëshpëruara tani janë shfaqur në internet duke këmbëngulur se loja duhet të përsëritet.
Një përshkrim i peticionit lexonte: “Bukayo Saka u keqtrajtua gjatë ndeshjes midis Anglisë dhe Italisë. Ai u tërhoq poshtë nga bluza e tij nga Giorgio Chiellini dhe iu dha një karton i verdhë kur qartësisht duhej të ishte një karton i kuq. Unë besoj shumë se gjyqtari ishte i njëanshëm dhe në favor të Italisë.”
