Tërmeti në Haiti/ Të paktën 29 persona kanë humbur jetën, autoritetet kërkojnë për të mbijetuar nën rrënoja

Të pakëtn 29 persona kanë humbur jetën si pasojë e tërmetit që goditi ditën e sotme Haitin. Kishat, hotelet, shtëpitë e ndërtesat e tjera kanë pësuar dëme të mëdha në tragjedinë e fundit që goditi kombin e varfër të Karaibeve tashmë të zhytur në kriza humanitare dhe politike.

Tërmeti me magnitudë 7.2, i cili u pasua nga një sërë goditjesh të tjera, u ndje 8 km nga qyteti Petit Trou de Nippes, rreth 150 km në perëndim të kryeqytetit Port-au-Prince, në një thellësi prej 10 km.

Kjo e bëri tërmetin që u ndje aq larg sa Kuba dhe Xhamajka, potencialisht më i madh dhe më i cekët se tërmeti i magnitudës 7, 11 vjet më parë që vrau qindra mijëra në vendin më të varfër në Amerikën.

Ngjarja  – e cila ndodhi rreth orës 8:30 të mëngjesit me kohën lokale – megjithatë goditi më larg kryeqytetit. Në Port-au-Prince, u ndje fuqishëm, por nuk dukej se kishte shkaktuar dëme të mëdha, që do të thotë se ka të ngjarë të ketë më pak viktima sesa katastrofa shkatërruese e vitit 2010.

Qyteti më i afërt i madh ishte Les Cayes, me një popullsi prej rreth 126,000, ku shumë ndërtesa u shembën ose pësuan dëme të mëdha, sipas autoriteteve, të cilët thanë se po kërkonin të mbijetuar në rrënoja.