Tashmë është zyrtare! Romelu Lukaku është një lojtar i Chelsea, një ditë pasi skuadra ‘blu’ fitoi Superkupën e Evropës në penallti kundër Villarreal.
Ishte vetë klubi londinez që e njoftoi nënshkrimin e sulmuesit e deritanishëm të Interit, për një shifër rekord për vetë klubin dhe për futbollin italian: 115 milionë euro.
Belgu nënshkroi një kontratë për pesë sezonet e ardhshme, me një pagë prej 12 milionë eurosh neto në vit (plus 3 në bonuse). Këtë të hënë ai përfundoi kontrollin mjekësor në Milano, por Chelsea preferoi të priste deri në finale për të shpallur blerjen e yllit belg, që ishte një ndër lojtarët kryesorë në titullin kampion të Interit, i pari që nga sezoni 2009-2010.
Thomas Tuchel donte ta kishte Lukakun për Superkupën e Europës, por nuk ishte e mundur. Kjo do të jetë hera e dytë që Lukaku do të luajë tek Chelsea. Ai nënshkroi për “blutë” në vitin 2011 nga Anderlecht, por luajti pak ndeshje në vitin e tij të parë dhe më pas erdhën huazimet te West Brom dhe Everton, të cilët më vonë e blenë atë në vitin 2014. Pas 3 sezonesh te Everton, Lukaku u transferua te Manchester United e më pas në Milano, tek Inter. Tani, siç thekson vetë Chelsea, Lukaku është kthyer.
Welcome home, @RomeluLukaku9. 💙#LukWhosBack pic.twitter.com/P43CAIVqfU
— Chelsea FC (@ChelseaFC) August 12, 2021
