Ditën e sotme deputeti Enkelejd Alibeaj ka zbardhur takimin e mbajtur sot në kryesinë e Kuvendit me ambasadorët e SHBA dhe të Bashkimit Evropian. Ai e cilësoi këtë takim të dobishëm për çështjet dhe nevojat që ka sot Shqipëria.
Sipas tij, kryefjala e takimit ishte aksioni i opozitës dhe betejat parlamentare për reformat, mes të cilave reforma administrative-territoriale dhe ajo zgjedhore.
Të pranishëm ishin edhe deputetë të tjerë nga PD-ja, të njohur si krahu i Lulzim Bashës. Gjithsesi, Gjykata e Apelit në Tiranë njoftoi se me 3 nëntor do të gjykojë “përplasjet” e dy grupeve në PD-së, të cilat janë në garë për të marrë vulën dhe logon e partisë, zhvillime këto, të cilat erdhën pas dorëheqjes së Lulzim Bashës.
Postimi i Alibeajt:
Ishte kënaqësi e veçantë, që sot të mirëpres sëbashku me kolegët deputetë të PD-së, disa nga përfaqësuesit e Ambasadave në vend: Znj.Yuri Kim 
, Znj. Christiane Hahmann 
, Z. Peter Zingraf 
, Znj.Elisabeth Barsacq 
, Z. Fabrizio Bucci 
, Znj. Mia Marzouk 
Znj. Ruth Huber 
dhe Z. Vincenzo Del Monaco (OSCE) në një takim shumë të dobishëm për çështje me rëndësi për vendin.
, Znj. Christiane Hahmann , Z. Peter Zingraf , Znj.Elisabeth Barsacq , Z. Fabrizio Bucci , Znj. Mia Marzouk Znj. Ruth Huber dhe Z. Vincenzo Del Monaco (OSCE) në një takim shumë të dobishëm për çështje me rëndësi për vendin.Ky ishte në fakt një nga takimet që ne e kemi patur si format kohë më parë sëbashku me ambasadorët e vendeve kryesore. Objekti i takimit ishin të gjitha ato reforma, dhe aksioni opozitar në tërësi, të cilat ne i kemi filluar dhe shqiptarët i kanë ndjekur në parlament, ndër to: reforma administrative – territoriale, reforma zgjedhore dhe çështje të tjera po kaq të rëndësishme.
Ky ishte një takim i parë për të sqaruar, për të shkëmbyer vizione dhe si i tillë do të vazhdojë dhe me takime të tjera qoftë në këtë format, qoftë dhe në formate të tjera.
Kjo është një praktikë, që duhet ta riinstalojmë dhe njëherë, sepse për këto reforma dhe aksioni opozitar, të cilat besojmë se janë thelbësore për zhvillimin europian dhe për vlerat të cilat ata mbrojnë, do duhet të koordinojmë me partnerët tanë, e që është një detyrim moral e politik i yni për ta bërë.
