Një raketë ruse u tha se ra mbi territorin e Polonisë ditën e djeshme, por mesa duket raketa e ka pasur origjinën nga Ukraina. Një reagim zyrtar ka ardhur nga Varshava këtë të mërkurë e cila ka pohur se raketa nuk është lëshuar nga Rusia, por nga Ukraina.
“Raketa që ra në Poloni me siguri është e lëshuar nga Ukraina”, kështu deklaroi ndër të tjera presidenti polak Andrzej Duda, duke shtuar se “nuk kemi prova të sakta që do të na lejonin të konkludojmë se ishte një sulm ndaj vendit tonë”.
Rënia e raketës, e cila i përket sistemit të mbrojtjes kundërajrore të Kievit, tha presidenti polak, ndoshta mund të jetë një ‘aksident fatkeq’.
Rënia e raketës mbi territorin e Ukrainës alarmoi të gjithë perëndimin SHBA-të dhe NATO-s, pasi Polonia është vend anëtar i NATOS dhe sulmi ndaj saj do të ishte sulm ndaj të gjitha shteteve të aleancës. Për shkak të rënies së raketave në territorin e saj, Polonia ngriti gatishmërinë luftarake dhe po mendohet edhe aktivizimi i nenit 4 të aleancës së NATO-s. Një luftë ndërmjet NATO-s dhe Rusisë do të sillte pasoja katrastrofike për botën duke konsideruar praninë e armëve bërthamore nga të dyja palët. Kujtojmë se në lidhje me sulmin reaguan të gjithë liderët botërorë dhe shprehën mbështetjen e plotë për Poloninë.
