Sulm terrorist në një autobus, të paktën 34 të vdekur (DETAJE)

Bëhet me dije se të paktën 34 persona kanë humbur jetën dhe disa të tjerë kanë marrë plagë të lehta në Etiopi, pasi një grup i armatosur sulmoi një autobus në rajonin Benishangul-Gumuz.

Komisioni Etiopian i të Drejtave të Njeriut, ka qenë i pari institucion që e dha lajmin, ndërkohë ka bërë me dije se pas këtij sulmi kanë ndodhur gjatë natës edhe sulme të tjera.

“Numri i viktimave aktualisht është 34 por mund të rritet”, thuhet në njoftim.

Komisioni Etiopian i të Drejtave të Njeriut, e ka quajtur këtë ngjarje si “një sulm i pakuptimtë ndaj civilëve” dhe u ka bërë thirrje autoriteteve të ushtrojnë vigjilencë maksimale dhe të koordinojnë më ngushtë midis forcave rajonale dhe federale të sigurisë.

Ende asnjë organizatë nuk e ka marrë përsipër këtë sulm tragjik, ku humbën jetën 34 persona të pafajshëm./GazetaReforma.com/