Këtë të hënë kanë përfunduar hetimet e Prokurorisë së Posaçme në lidhje me aferën e inceneratorit të Fierit. Ish deputeti Alqi Bllako është njohur sot me akuzën nga SPAK që është shpërdorim i detyrrës dhe korrupsion.
Në vazhdim pritet të njihen me akuzat edhe personat e tjerë të akuzuar në lidhje me inceneratorin e Fierit, përfshirë këtu edhe ish-ministrin e Mjedisit, Lefter Koka.
Por sipas burimeve mësohet se Lefter Koka, Pëllumb Abeshi, Azem Shatëri, Erjon Murataj, Florjan Muçaj, Klodian Zoto si dhe Arenc Myrtezani janë lënë në qeli.
Ndërkohë, Sabina Cenameri si dhe Etleva Kondi janë lënë në ‘arrest shtepie’.
Sakaq, Arben Dervishi, Regan Merdani, Robert Shabani, Gentian Zifla dhe Enver Sheshi edhe Alqi Bllako, kanë marrë gjithashtu masën ‘arrest me burg’.
Ndërsa në kërkim janë Arber Denizi, Juri Ymeraj, Silvester Dreza, Arjola Kodra, Luran Dusha dhe Xhuzepe Çiafalione.
SPAK për inceneratorin e Fierit mori nën hetim edhe 11 persona të tjerë disa javë më parë, të akuzuar se nëpërmjet një skeme mashtrimi me fatura fiktive kishin përfituar miliona lekë. Më 16 nëntor, SPAK lëshoi 11 urdhër-arreste pas hetimeve për inceneratorin e Fierit.
Nga hetimet ka rezultuar se Autoriteti Kontraktor (Ministria e Mjedisit në fillim dhe më pas Ministria e Infrastrukturës dhe Energjisë) deri në datën 30.06.2022, ka bërë pagesa në drejtim të kompanisë “Integrated Technology Ëaste Treatment Fier” sh.p.k, në shumën 4, 202, 967, 084 lekë.
Në njoftim sqarohet se Klodian Zoto, aksioner kryesor i shoqërisë koncesionare “Integrated Technology Ëaste Treatment Fier” në bashkëpunim me Arenc Myrtezani, administrator i kësaj shoqërie kanë falsifikuar dokumente se kanë investuar me vlerën 4,000,000 (katërmilion) euro, për shërbime që nuk janë kryer.
Shuma e parave është paguar nga Autoriteti Kontraktor dhe e përfituar në sajë të mashtrimit nga shoqëria koncesionare “Integrated Technology Ëaste Treatment Fier” sh.p.k.
Nga hetimet e SPAK, rezulton se zyrtari i FSHF-së Arben Dervishaj udhëtoi dhe pa ndjeshje në Itali me financine nga Klodian Zoto.Ndërsa për përfshirjen e Alqi Bllakos, nga hetimet rezulton se ka favorizuar kompaninë e Klodian Zotos për përfitimin e vlerës 14,964,900 lekë.Kjo shumë parash është siguruar në trajtën e pagës së dhënë babait të tij, Edmond Bllako, duke e paraqitur si i punësuar drejtor kantieri.
