SPAK drejt përfundimit të hetimeve për Metamorfozën, veçohet çështja për Martinajn

Prokuroria e Posaçme (SPAK) po përfundon hetimet për grupin e organizuar kriminal, të njohur si dosja “Metamorfoza”. Në këtë grup janë përfshirë disa figura të njohura, duke përfshirë biznesmenin Pëllumb Gjoka dhe ish-shefin e operacionales, Oltion Bistri, i cili tashmë akuzohet vetëm për korrupsion pasi i është hequr akuza për shpërdorim detyre.

Hetimet gjithashtu përfshijnë ish-zyrtarin e policisë, Ardit Hasanbegaj, i dyshuar për ndihmën e dhënë anëtarëve të fisit Bajri për të organizuar vrasjet e Ibrahim Licit dhe Dorjan Dulit. Ish-prokurori i Shkodrës dhe ish-drejtuesi i akuzës në Kukës, Xhevahir Lita, gjithashtu është akuzuar për pjesëmarrje në grup kriminal, korrupsion dhe nxjerrje të sekretit hetimor.

Komunikimi i akuzave po vazhdon për të tjerët anëtarë të grupit që janë arrestuar, ndërsa hetime të veçuara po zhvillohen për ata që janë ende në kërkim, përfshirë Ervis Martinajn. Gjatë hetimeve, SPAK ka zbuluar detaje të rëndësishme përmes mesazheve të shkëmbyera në aplikacionet e koduara Encro Chat dhe SKY ECC. Këto të dhëna kanë zbuluar vrasjen e Gjon Boriçit dhe planin për vrasjen e ish-policit të burgjeve, Kleanth Musabelliun, përfitim të Pëllumb Gjokës. Astmer Bilali dhe bashkëpunëtorët e tij janë akuzuar gjithashtu për përpjekje për të vrarë Dorjan Dulin, Ibrahim Licin dhe Genc Tafilin me urdhër të biznesmenit Gjoka.

Lexo më shumë:

“Metamorfoza”, SPAK hetim pasuror për të arrestuarit

“Metamorfoza”/ Arrestohet në Francë ish-bashkëpunëtori i Ervis Martinajt, Behar Bajri

Metamorfoza, enigma e zv.drejtorit të policisë që do të dorëzonte Licin tek Bajri

Operacioni “Metamorfoza”/ Policia në ndjekje të bashkëpunëtorit të Ervis Martinajt