Roman Abramovich ka nisur të kërkojë para borxh tek miqtë e tij të pasur për ta ndihmuar me pagesat e stafit të tij pasi është goditur nga sanksionet e Britanisë dhe SHBA. I akuzuar si një aleat i ngushtë i presidentit rus, Vladimir Putin, pronari i Chelsea raportohet të ketë kërkuar nga miqtë shuma të mëdha parash për të paguar stafin, i cili sipas zërave i kushton 600 mijë paund në javë. Sipas “Page Six”, kërkesën për para borxh, Abramovich ia ka bërë regjisorit Brett Ratner dhe disa miqve të tjerë në Hollyëood and Silicon Valley, si dhe familjes Rothschild.
Tashme janë autoritetet franceze ato të cilat kanë sekuestruar vilën e Roman Abramovich në jug të Francës, e cila dikur i përkiste Dukës dhe Dukeshës së Windsor. Ky sekuestrim vjen në vazhdën e sanksioneve ndaj oligarkëve rus pas sulmit ndaj Ukrainës.
Château de la Croë ndodhet në një nga pjesët më prestigjioze të Rivierës Franceze – Cap d’Antibes dhe agjentët lokalë të pasurive vlerësojnë se vlen rreth 90 milionë paund.
E ndërtuar në vitin 1926, vila luksoze ka dhjetëra dhoma gjumi, tetë tualete dhe ka një sipërfaqe mbi 12 hektarësh, përfshi një pyll e lëndina vetëm disa metra nga deti Mesdhe.
Abramovich shpenzoi rreth 30 milionë paund për restaurimin e Château pasi e bleu atë në 2001, duke ndërtuar një pishinë 15 metra në tarracën e saj dhe duke futur një palestër të madhe dhe një kinema në bodrum.
Por, përpara se të kalonte në pronësi të Abramovic, prona u përdor si një shtëpi pushimi nga ish-mbreti i Anglisë Edward VIII dhe Wallis Simpson, i njohur si Duka dhe Dukesha e Windsor.
.
