Mbrëmjen e 20 shkurtit, forcat RENEA zhvilluan aksionin për të goditur veprimtarinë e lojërave të fatit dhe basteve.
Një prej të arrestuarve ishte edhe Gramoz Murataj, pronar i ish-“Ecobet”.
Në një banesë në emër të tij, e cila ishte kthyer në zyrë, ndodheshin disa punëtorë të tij, të cilët ishin në të zezë.
Për shkak të rrezikshmërisë që mund të paraqisnin personat që ndodheshin brenda, efektivët e RENEA-s kërkuan që Murati t’i thërriste vetë punonjësit.
Në pamjet e arrestimit të tij, të publikuara nga “Dosja.al”, shihet sesi Murataj u thotë efektivëve, se nuk është kriminel.
Gramoz Murataj pritet të njihet sot me masën e sigurisë nga Gjykata e Tiranës.
Debati
Efektivi i RENEA-s: Pa fjalë se është policia e Shtetit, kush o mrena.
Efektivi nr 2 i RENEA: Ka njeri tjetër brenda?
Gramoz Murataj: Janë zyra, janë zyra
Efektivi i RENEA-s: Kush është brenda?
Gramoz Murataj: Njerëz punëtorë, që punojnë.
Efektivi i RENEA-s: Thuaju të dalin.
Efektivi nr 2 i RENEA: Ke njeri brenda?
Gramoz Murataj: Kam mo kam.
Efektivi nr 2 i RENEA: Thirri të gjithë të dalin jashtë, Policia e Shtetit.
Gramoz Murataj: Ja se iu flas unë.
Efektivi nr 2 i RENEA: Ndihu komod dhe folu të vijnë jashtë. Ke njerëz brenda?
Gramoz Murataj: Po mo iu flas unë se s’jena kriminela.
Gramoz Murataj: O çuna!
Efektivi nr 2 i RENEA: Sa veta ke more dal një sekondë?
Gramoz Murataj: 5-6 veta.
Efektivi i RENEA-s: 5 apo 6?
Thirri ore të vijnë…
Gramoz Murataj: Dal se janë në zyrë…
Efektivi i RENEA-s: Thirri Policia e Shtetit, hajde këtu o çun.
Gramoz Murataj: Ma merr pak xhupin se më le pa xhup. Prit se do t’ju flas unë i pari, e hap unë derën, dal të dal unë para.
Efektivi i RENEA-s 3: Afrohu tek mburoja, mos dil para mburojës..
Gramoz Murataj: Se s’jemi kriminelë dhe hajdutë.
Efektivi i RENEA-s nr.2: O çun hajd hajd se kam 1 orë që të pres
Efektivi i RENEA-s nr4: Ne s’kemi gjë fare me ty.
Gramoz Murataj: Hë se janë çuna të rregulltë, Klaudio, Joni…
RENEA: Edhe sa të tjerë ke?
Efektivi i RENEA-s: Asnjë lëvizje, të gjithë me duart për muri? Pronari i banesës eja pak.
Eja pak me mua. Hape çik këtë derën këtu.
Gramoz Murataj: S’ka asnjë njeri, veç unë jam.
