Kryeministri Edi Rama ka theksuar se Shqipëria nuk e prodhon gjithë energjinë që i duhet dhe ky është fakt. Ai e pranoi se Shqipëria shet energji, por kjo ndohd në momentin kur ka reshje me tepri. Rama bëri edhe lidhjen emes çmimeve, duke thënë se kur Kur është mot i përgjithshëm reshjesh dhe lagështie, çmimi është më i ulët dhe energjia shitet kur kërkesa është më e lartë.
Por nga kontratat që KESH kishte lidhur, dukej se në shkëmbimin dhe shitjen e energjisë, ishte shkaktuar një humbje e madhe që shkonte në miliona euro. Lexo këtu.
“Nëse zgjidhja do të ishte; ‘hajde po rrisim çmimin’, atëherë s’do të kishim bërë atë që do të bënte çdo qytetar për veten e tij. Ne jemi këtu për të mishëruar shqetësimin e çdo qytetari. Unë e ndjej çdo shqetësim të çdo qytetari. Unë e kam të pamundur që të mendoj se mund të vrapojë bashkë me vrapin që ka marrë çmimi i energjisë. Nga ana tjetër që edhe ata që e kanë këtë shqetësim dhe e thonë me të drejtë, të dëgjojnë kur i themi që thonë broçkulla që; “Shqipëria ka ujë, e prodhon energjinë vetë”. Këto duhen lënë mënjanë që të kuptojmë mirë se ça falsin. Shqipëria nuk e prodhon të gjithë energjinë që i duhet, ky është fakt. Shqipëria shet energji. Po pse? Në momentin kur ka reshje me tepri, ka dy rrugë; ose ta shes, ose ta derdhi prurjen e reshjeve. Jo ta derdhi, por edhe të përmbysi. Atëherë e shet. Kur është mot i përgjithshëm reshjesh dhe lagështie, çmimi është më i ulët dhe ti e shet kur kërkesa rreth e rrotull teje është e lartë. Një ekonomi e varur nga Zoti, pra nga reshjet, ka të mirën e vetë, pasi ka energji të gjelbër, por ka dhe të keqen e vetë se nuk ka energji të planifikuar”, tha Rama.
Kryeministri bëri me dije se kriza do të ketë një kulm që do të zgjasë deri vitin e ardhshëm, por nuk parashikohet që çmimet të kthehen aty ku ishin.
“Ekspertët thonë; kriza do të ketë një kulm që do të zgjasë deri vitin e ardhshëm, por nuk parashikon që çmimet do të kthehen atje ku ishin. Kjo duhet parë. Për çmimet e tjera të jeni të qartë; ne e kemi zgjedhur këtë sistem 30 vite më parë dhe smund të diskutojmë më çmimin e bukës, i cili ka ardhur në rritje. Rritja reflekton tregun, kërkesën dhe ofertën. Sdo të prodhohej bukë nëse do të mbetej në magazina. Çmimet i vendos tregu jo qeveria. Në komunizëm i vendoste shtetit, këtë e kemi mbyllur”, deklaroi Rama.
