Shkrumbohet një biznes në Gramsh

Mbrëmjen e së dielës, një servis i pajisjeve elektroshtëpiake në qytetin e Gramshit u përfshi nga flakët.

Sipas burimeve zyrtare, zjarri ka nisur brenda ambienteve të servisit dhe është përhapur me shpejtësi.

Ndërhyrja e shërbimit zjarrfikës ka qenë e vështirë për shkak të intensitetit të flakëve, por pas përpjekjeve të shumta, zjarri u vu nën kontroll.

Fatkeqësisht, pjesa më e madhe e pajisjeve dhe materialeve brenda servisit është shkrumbuar plotësisht.

Shkaqet e zjarrit ende nuk janë përcaktuar, ndërsa autoritetet po punojnë për zbardhjen e plotë të ngjarjes.