Shkarkimi i Kreut të KLP-së Shkakton Debate në Komisionin e Ligjeve

Shkarkimi i Alfred Ballë, kreut të Këshillit të Lartë të Prokurorisë (KLP), ka nxitur debate në Komisionin e Ligjeve. Gjatë diskutimeve, u theksua se i vetmi prokuror që i është shmangur vettingut është Bledar Valikaj, bashkëshorti i deputetes Ermonela Felaj.

Gazment Bardhi tha: “KLP ka pasur kryetar një person që, sipas kushtetutës, nuk mund të ushtrojë profesion në organet e drejtësisë për 15 vite. Kjo ka cënuar besimin e publikut dhe integritetin e KLP-së.”

Zv/Kryetari i KLP-së, Tartar Bazaj, u përgjigj: “Ndikon zero, sepse jemi një organ kolegjial me 11 anëtarë. Vendimmarrja e këtij anëtari është një votë, një e njëmbëdhjeta.”

Bardhi përmendi edhe prokurorin Bledar Valikaj, duke thënë: “I vetmi prokuror që i është shmangur vettingut është bashkëshorti i deputetes Ermonela Felaj.”

Bazaj sqaroi se vendimet për emërime janë marrë bazuar në vendime të formës së prerë dhe se ka një vakum ligjor që duhet adresuar.

Opozita ngriti shqetësime edhe për provimin e magjistratëve, duke pretenduar se lista e fituesve është shtuar në mënyrë të padrejtë. Bazaj tha se ka një kallëzim penal në SPAK për këtë çështje.

KLP po përballet me vështirësi për mbushjen e vakancave të prokurorëve për shkak të shkarkimeve nga vettingu. Vetëm në vitin 2023 janë emëruar 26 prokurorë të rinj, por nevojat e sistemit mbeten të mëdha.