Kreu i Partisë së Lirisë, Ilir Meta ka komentuar lëvizjet e fundit të qeverisë “Rama”, ndërsa theksoi se kryeministri po dhunon hapur Kodin Zgjedhor. Bëhet fjalë për rritjen e pagave dhe pensioneve një muaj para zgjedhjeve lokale. Komisioneri Qëndror i Zgjedhjeve Ilirjan celibashi ka deklaruar shpeshherë se do të ketë ndëshkime për persona të pushtetit qëndror nëse ndërhyjnë duke përkrahur kandidatët për bashkitë. Meta shprehet se është dakort që pensionistët të përkrahen, por sipas tij kjo është haptazi një mënyrë për të “blerë” votat e tyre.
“Ai doli thjesht dhe vetëm për të manipuluar me premtime boshe shqiptarët. Ajo që shqiptarët e kanë provuar se qeveria Rama ka rritur koston e jetesës, ndërsa rrogat dhe pensionet gjatë 10 viteve të tij kanë pasur rritjen më të ulët se kurrë ndonjëherë. Është fakt se teksa në periudhën 2005-2-10 u rritën, ky që premtonte rritje. Nga vitit 2013 deri në 2022 u rritën çmimet në mënyrë galoponte. Është fakt se në qeverisjen e Ramës pagat minimale dhe mesatare janë më të ulëta në rajon dhe në vendet e tjera. Pse priti muajin prill për dhënien e lëmoshës për pensionistët kur të ardhurat që ka mbledhur shteti i kishte që në fund të dhjetorit të 2022-it.”, tha Meta.
