Ardhja e Goran Bregoviç në Shqipëri, ka sjellë shumë polemika. Ish-ministri i Drejtësisë, Ylli Manjani, ka reaguar ashpër pasi kryeministri i vendit, Edi Rama, në tentativën e tij për të mbrojtur këngëtarin serb Goran Bregoviç, ofendoi shqiptarët duke i quajtur “mesjetarë” dhe “histerikë”.
Përmes një postimi në rrjetin social “Facebook”, Ylli Manjani thekson se kryeministri Rama pati gjithë kohën e mundshme të ofendojë shqiptarët që nuk e duan Bregoviçin, por nuk tha asnjë fjalë për akulloret kancereogjene që u janë shitur fëmijëve gjatë kësaj vere, që sipas AKU-së, ishin rreth 4 ton që janë konsumuar.
Postimi i Ylli Manjanit:
“Nuk ka asnjë fjalë (llogari jo e jo) për të thënë për 11 tonë akullore kancerogjene që qarkullojnë në treg, por gjuhën e ka brisk kundër kujtdo që i shan Goranin!!!
“Mesjetarë” qenkan të gjithë ata që se duan Goranin. Kurse Gorani dhe muzika e tij tribale qenka moderne. Ka pirë ky apo bën vetë?! E mban dhe veten për artist…
Po mirë, le ta zëmë se ashtu jemi, pra mesjetarë, po zotëria e Tij çfarë është?Kryeministri i mesjetarëve?! Dakord pra, më mirë mesjetar se tru shpërlarë. Leshi i bardhë i fytyrës nuk e mbulon dot faqen e zezë, or jo!”, shkroi ish-ministri i Drejtësisë.
