Tema kryesore këto ditë padyshim që është bërë përzgjedhja e emrave si kandidatë për kryebashkiakë dhe një nga kryetarët më të përfolur pas Erion Veliajt, është Vangjush Dako.
Edi Rama ka zhvilluar ditën e sotme takimin “Bashkia që duam”, ku edhe ka vlerësuar punën e Dakos në krye të Bashkisë së Durrësit, mirëpo ajo që bërë çudi ishte një fakt tjetër.
Vangjush Dako në fjalën e tij shprehur dëshirën për të punuar akoma, mirëpo kryeministri nuk ka dhënë asnjë konfirmim se diçka e tillë mund të ndodhë.
“Ne jemi duke u përgatitur për zgjedhjet e 30 qershorit, do shkojmë për ato shumë gjëra që duhet të bëjmë. Përpara 4 vitesh ju kemi thënë do zgjidhet problemi i kanalizimeve dhe do jetë drejt zgjidhjes furnizimi me ujë dhe kjo ka ndodhur. Do transformojmë Porto Romanon në një park të ri. Nuk diskutohet se janë një sërë projektesh të mira e kësaj bashkie falë Vangjushit që ka pasur projekte. Kështu që mos dëgjoni jo po do bëhen zgjedhje të parakohshme, jo po do shtyhen, jo po do vijnë ndërkombëtarët do thonë meqë po qan Luli jepi biberonin. I dhamë 15 biberonë para dy vitesh, ai prapë nuk rritet. Le të rrijë në rrugë dhe të forcohet të bëhet gati më 2021. Se dëgjova dhe këtë juristin Bylykbashin jo nuk hyjmë në zgjedhje: Ti mos hy se i humbur del prapë. Ne do i bëjmë zgjedhjet si me ata, si pa ata. Sa herë ju ka rraf Dako kur e kishit ju qeverinë? Nicja ishte me ju, po kjo nuk na shqetëson. Nuk është detyra jonë të rrisim opozitën. Vazhdojmë rrugën përpara për Durrësin që duam”,- tha Rama, duke mos përmendur në asnjë moment rikandidimin e Dakos në krye të Bashkisë së Durrësit.
