Edhe pak ditë na ndajnë që nga procesi i zgjedhjes së presidentit të ri që do të zërë vendin e Ilir Metës, pasi në korrik i mbaron edhe mandati.
Gjatë ditës së sotme, lidhur me Presidentin e Ri është pyetur edhe kryeministri Edi Rama. Gjatë prezantimit të 12 pyetjeve të Këshillimit Kombëtar, Rama tha se Presidenti nuk duhet të zgjidhet nga populli.
Rama tha se ishte kundër për shkak se në republikën tonë, presidenti nuk ka pushtet dhe sipas tij do të ishte e pakuptimtë që të zgjidhej nga shqiptarët. Ndër të tjera Rama sulmoi edhe Ilir Metën kur tha se kemi pasur një fatkeqësi natyrore për disa vjet në atë godinë.
Pyetje: A mundet që në pyetësorin e radhës të shtohet pyetja që presidenti të zgjidhet nga populli? R
ama: Për mua ka rëndësi çfarë thonë qytetarët, në pritshmërinë time 300 mijë ishin objektive, mbi 500 mijë I ka kaluar pritshmëritë. Është e jashtëzakonshme. Në këshillim ka peshë edhe një grup interesi me 20 veta, dëgjojnë kuptojnë dhe lidhjet me vendimmarrjet tona. Mbi 500 mijë që kanë marrë mundimin të mbushin atë pyetësor na kanë bërë një nder shumë të madh. Shpresojmë tua kthejmë nderin atyre por edhe të tjerëve që kanë qene skeptik. Një nga pyetjet që kam hasur ka qenë çfarë rëndësie kemi ne që përgjigjet tona do merren parasysh. Tani është radha jonë të kuptojmë se kanë vlerë përgjigjet. Të gjitha do të bëhen siç I kanë kërkuar qytetarët. Unë jam kundër që një republikë e jona që presidenti të zgjidhet nga populli. Që s’ka pushtet, që është një figurë, që të gjithëve iu është ngatërruar fotografia e rolit të presidentit, se kemi pasur një fatkeqësi natyrore për disa vjet në atë godinë, por roli i presidentit në republikën tonë është i tillë që e bën të pakuptueshme pse duhet të zgjidhet nga populli. Nëse do i jepni më shumë fuqi, do të ishte gjëja e duhur për të bërë. Jam kundër për të parën por jo për të dytën, mund të rishikohet, kërkon shumë punë, konsultime dhe shkon përtej vendimmarrjes së qeverisë.
