Kryeministri Edi Rama ka thënë se është përherë më e qartë se zgjerimi i BE është gjithnjë e më pak një fjalë që përdoret me pasionin dhe vullnetin që përdorej vite më parë. Në edicionin e 7-të të Ndërlidhjes Infrastrukturore me vendet e Ballkanit Perëndimor dhe Europës, Rama tha se është e qartë se rajoni është një realitet i rëndësishëm për BE dhe kjo është arsyeja pse disa vende skeptike tashmë janë më të hapura, ndërkohë që përhapet populizmi i djathtë.
“Në përgjithësi për sfidat që po bëhen gjithmonë më tepër të ndërlidhura. Mendoj se po bëhet më e qartë se zgjerimi është përherë e më pak një fjalë që përdoret me pasionin dhe vullnetin që përdorej vite më parë dhe nuk ka dyshim që procesi mund të kërkojë kohë.
Në të njëjtën kohë është shumë e qartë se Ballkani Perëndimor është një realitet i rëndësishëm për BE, dhe kjo është një arsye se pse disa vende skeptike janë më të hapura ndaj idesë për të nxitur sa më shumë brenda afatit të shkurtër që ka mbetur në trysni nga vendet e BE për shkak të populizmit të së djathtës ekstreme. Ato ndikojnë shumë qeveritë e më duruara në BE. Kjo ndodh për shkak të arsyeve zgjedhore”, tha Rama.
