‘Raiffeisen Bank’, interlekutori unik i transaksioneve të Kremlinit, ka financuar konglomeratin ekonomik të mbetjeve, mbështetur nga qeveria e korruptuar e Tiranës…
‘Financial Times’, prestigjozja britanike publikoi një shkrim të bujshëm, ku nxirrte përfundimin se banka austriake Raiffeisen Bank, është i vetmi institucion Perëndimor në Moskë, që nuk u largua pas luftës në Ukrainë.
Në këtë shkrim, ka fakte të forta mbi atë që kjo bankë po bën transaksionet e luftës për Kremlinin, për të furnizuar nga bizneset jashtë Rusisë, makinerinë vrasëse të Ukrainës.
Ai thotë se Raiffeisen jo vetëm që është interlekutori unik i transaksioneve të Kremlinit, por e bën këtë duke shkelur të gjithë vendimet e Bashkimit Europian për të sanksionuar e ndaluar financimin e luftës.
Ndërkaq në Shqipëri, kjo bankë që mori thuajse ”free”, Institucionin bankar më me fitime në Shqipëri, Arkën e Kursimeve, pas këtij transaksioni nuk ka qenë asnjëherë një përkrahës i biznesit, një mik i komunitetit dhe ndihmues i nismave të reja.
Përkundrazi, sot kjo bankë i ka dhënë kredi operatorëve të inceneratorëve në Shqipëri, duke marrë si kolateral impiantet e mbetjeve në vend. Pra ka mbështetur me kredi një biznes që është financuar nga buxheti i shtetit. E këtu lind dyshimi i një lidhjeje që nuk është aq e qartë e transparente; e parave që futen e dalin nga ky biznes. Ku aktorët në fushë nuk janë kompani me një rekord të njohur në fushën përkatëse, por fantazma në kuptimin e plotë të fjalës.
Fantazma në regjistrim, fantazma në pronësi, fantazma në shpërndarjen dhe investimin e kapitaleve, e natyrisht të dyshimtë në mënyrën se si i janë imponuar publikut për të mbajtur me thonj një biznes që është konsideruar korruptiv.
Pse Raiffeisen financoi një konglomerat ekonomik që nuk ishte një industri e pjekur e përpunimit të mbetjeve urbane?
Pse Raiffeisen financoi një biznes që së paku ishte i panjohur, i dyshuar. Duke i referuar shkrimit të ‘Financial Times’, nuk përjashtohen këtu, edhe influencat financiare nga lidhjet që kompania ka në Moskë.
A është realisht ky transaksion i inceneratorëve i përjashtuar nga realacionet ruse të këtij institucioni bankar?
Investigimi i prestigjozes britanike e koncepton qëndrimin e Raiffeissen në Moskë, si një lloj guackë, ku qarkullon çdo lloj transaksioni. E meqë jemi te inceneratorët, baza e tyre, pra e kompanive që janë si aktorë financiarë dhe ekonomik të operacionit, janë guacka. Ku nuk i shihet as fillimi e as fundi.
Ky dyshim është një njollë e madhe jo vetëm për sistemin ekonomik të fondeve që vijnë nga buxheti i shtetit, por edhe për ato që vijnë nga sektori bankar.
I cili sot, është një dele e zezë, e çdo para që del nga kjo dritare konsiderohet të paktën si një fond i dyshimtë, që e fut në hetim e diskutim, të mos themi njollë të gjithë mjedisin financiar të Shqipërisë. Pas Financial Times, gjasat janë që ndaj këtij institucioni të nis një hetim i madh, ku nuk përjashtohen ngrirje e sekuestrim fondesh. Nga ku ekonomia shqiptare e në veçanti biznesi i mbetjeve në Shqipëri të thahet nga burimet cash. Sepse ka dyshime dhe të dhëna që nuk respektohen rregullat.
Nuk është çudi edhe lidhja me aktorë moskovit, të cilët nëpërmjet formacioneve financiare guackë komunikojnë me subjekte të tilla që kurrë se tregojnë identitetin, por që gjithmonë bëjnë biznes ose me financime direkte ose indirekte, që vijnë era pastrim parash./Pamfleti
