Mbyllet në barazim pa gola pjesa e parë në “Elbasan Arena” mes Shqipërisë dhe Hungarisë e vlefshme për eliminatoret e Kampionatit Botëror “Qatar 2022”.
Në minutën e 33′ kuqezinjtë kishin rastin e artë për të kaluar në avantazh por Kumbulla gabon rëndë.
Mbrojtësi kuqezi bën më të vështirën shumë pranë vijës fatale, duke e dërguar topin jashtë kuadratit të portës së boshatisur. Të presim pjesën e dytë për rezultatin përfundmitar të ndeshjes.
Jemi të ‘pafat’ por jemi aty, në lojë, për të marrë një rezultat pozitiv përballë Hungarisë, një ndeshje që duhet fituar me çdo kusht për të mbajtur të ndezur këtë fushatë kualifikuesesh. Me një skemë të njëjtë, por me aktorë ndryshe, të kushtëzuar nga mungesat dhe dëmtimet, Shqipëria bind në 45 minutat e para, është më e qartë në fushën e lojës, ka më shumë dëshirë, por sërish hasim jo pak vështirësi edhe kur kundërshtari zbret në portën tonë pa shumë probleme. Nedim Bajrami vërtetoi që në debutim se është një lojtar me shumë klas dhe me një vizion të qartë, me topin në këmbë është një rrezik konstant në çdo moment.
Shqipëria krijoi disa aksione të mira gjatë pjesës së parë ndërsa flagrant ishte rasti i shpërdoruar nga Marash Kumbulla në minutën e 33-të ku i vetëm në shtyllën e dytë nuk arriti të shtynte topin në portën e boshatisur. Fraksioni i parë mbyllet në barazim pa gola ndërsa në pjesën e dytë na duhet diçka më shumë për të mposhtur Hungarinë.
