Poeti nga Mianmari vdes në burg, familjes i kthehet trupi pa organe

Poeti nga Mianmar Khet Thi, veprat e të cilit deklarojnë rezistencë ndaj juntës në pushtet, vdiq në paraburgim brenda natës dhe trupi i tij u kthye me organe të hequra , tha familja e tij të dielën.

Një zëdhënës për juntën nuk iu përgjigj thirrjeve për të kërkuar komente mbi vdekjen e Khet Thi, i cili kishte shkruar vargun “Ata qëllojnë në kokë, por ata nuk e dinë që revolucioni është në zemër”.

Gruaja e Khet Thi tha se të dy u morën për marrje në pyetje të shtunën nga ushtarë të armatosur dhe polici në qytetin qendror të Shëebo, në rajonin Sagaing – një qendër e rezistencës ndaj grushtit të shtetit në të cilin udhëheqësja e  zgjedhur Aung San Suu Kyi u përjashtua.

“Unë u mora në pyetje. Kështu  edhe ai. Ata thanë se ishte në qendrën e marrjes në pyetje. Por ai nuk u kthye, vetëm trupi i tij,”  tha gruaja e tij Chaw Su në gjuhën burmane BBC-së .

“Ata më thirrën në mëngjes dhe më thanë ta takoja në spitalin në Monywa. Mendova se ishte vetëm për një krah të thyer apo diçka … Por kur arrita këtu, ai ishte në morg dhe organet e tij të brendshme u morën jashtë”, tha ajo.

Asaj i ishte thënë në spital se ai kishte një problem në zemër, por nuk ishte munduar të lexonte certifikatën e vdekjes sepse ishte e sigurt që nuk do të ishte e vërtetë, tha Chaw Su. Reuters nuk ishte në gjendje të mbërrinte në spital për komente.

Chaw Su tha se ushtria kishte planifikuar ta varroste, por ajo u lut që t’i jepnin trupin. Ajo nuk tha se si e dinte që organet e burrit të saj ishin hequr.

“Ai vdiq në spital pasi u torturua në qendrën e marrjes në pyetje”, tha grupi aktivist i Shoqatës së Ndihmës për të Burgosurit Politikë në një buletin që vuri numrin e civilëve të vrarë që nga grushti i shtetit në 780. Grupi, i cili monitoron detajet e vrasjeve, nuk identifikoi burimin e informacionit të tij.