Plagoset 19-vjeçari në Fushë Arrëz, i ati e goditi me thikë

Policia e Fushë-Arrëzit ka lajmëruar sot se 19-vjeçari Oltion Maradodaj është plagosur me thikë nga babai i tij, Anton Maradodaj.

Mësohet se plagosja me thikë ka ardhur pas një një konflikti mes djalit dhe babait për motive të dobëta.

I riu ndodhet jashtë rrezikut për jetën dhe po merr mjekimin e duhur në spitalin e Pukës, ndërsa i ati është vendosur në prangat e policisë.

Fushë Arrëz/Informacion paraprak i ploicisë

Dyshohet se goditi me mjet prerës (thikë), djalin e tij, gjatë një konflikti të çastit, për motive të dobëta, si rezultat i veprimeve të shpejta të Policisë, kapet dhe shoqërohet në Komisariat, shtetasi A. M.

Mesditën e sotme, menjëherë pas marrjes së njoftimit, se në fshatin Fushë Arrëz, ishte dëmtuar me mjet prerës një 19-vjeçar, shërbimet e Policisë kanë shkuar menjëherë në vendin e ngjarjes.

Nga veprimet e shpejta të shërbimeve të Policisë është kapur dhe shoqëruar në Komisariat, shtetasi A. M., rreth 55 vjeç, pasi dyshohet se ka dëmtuar me mjet të mprehtë (thikë), djalin e tij 19 vjeç, i cili është dërguar në spital, për ndihmë mjekësore, në gjendje jashtë rrezikut për jetën.

Grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes.