Ditën e sotme me kërkesë të kryetarit të Bashkisë së Vlorës, Dritan Leli, ishte thirrur një mbledhje me drejtuesit e Ujësjellësit Vlorë. Mësohet se gjatë mbledhjes ka patur debate të shumta dhe konflikt mes drejtuesve të dy institucioneve. Debati ka qenë me tone të larta dhe zyrtarët kanë përfunduar në komisariat për të sqaruar çështjen.
Situata ka agravuar pas mbledhjes në momentin kur ish-kreu i ujësjellësit, Shkëlqim Leskaj i cili ka dhënë dorëheqjen disa javë më parë, nuk ka pranuar të lirojë zyrën. Mësohet se Leskaj nuk ka pranuar që të largohet nga detyra.
Ndërkohë, edhe kryebashkiaku i Vlorës, Dritan Leli ka shkuar në komisariat për të sqaruar situatën. Ndër të tjera, bëhet me dije se Leli ka ngritur akuzë ndaj Leskajt, se ky i fundit ka vjedhur librat e protokollit dhe vulën e institucionit.
Bëhet me dije se Shkëlqim Leskaj ka firmosur tre tendera, të cil♪7 janë bërë arsyeja e konfliktit, edhe pse dorëheqjen e ka dhënë më 6 gusht. Mësohet se një nga tenderat është me vlerë 400 mijë euro për sahatet e ujit, një tender tjetër është për klorifikimin dhe një tjetër për uniformat.
Mirëpo, në institucion mungonin librat e protokollit dhe vula dhe në institucion nuk ka qenë madje as punonjësja e protokollit.
