Përdhunimi i 12-vjeçares nga njerku është një ngjarje që ka tronditur opinionin publik. Në lidhje me këtë ngjarje tronditëse ka folur nëna e të miturës.
Nëna e vajzës 12-vjeçare që është përdhunuar nga njerku i saj, Elidon Xhaferri,në një intervistë për “Shqipëria live” ka treguar se ai fillimisht e ka prekur vajzën në zonën intime, ndërsa më mbrapa edhe e ka përdhunuar.
Ajo zbulon se bashkëshorti i saj e ka kërcënuar vajzën se do e vriste, do therte atë dhe do ta largonte nga i vëllai nëse tregonte.
“Goca thotë që ka që në klasë të 9-të që e ka abuzuar seksualisht. Çdo javë, çdo muaj. Më tregoi se e merrte prej krahu dhe i thoshte mos fol, po fole do të të vras. Dhe kur i thosha bashkëshortit ndonjë gjë, kur e pyesja, më thoshte pse ti do të ma largosh gocën që ajo të mos më thërrasë babi.”
Nëna thotë se njerku e pranoi aktin e rëndë: “Më tha: “Grua kam kohë që kam shkuar, por e kam ngatërruar me ty”. Goca më tha unë dua që të mos më prekë më, ai tha, po të keqen babi do të largohem, nuk do të ndodhë më”.
Vajza abuzohej seksualisht nga njerku që nga mosha 9 vjeçare. Në dosjen e saj bëhet me dije se 40-vjeçari e ka nisur ngacmimin duke e prekur në zonën intime, deri tek përdhunimi me forcë.
Ka qenë nëna dhe 12-vjeçarja që kanë denoncuar në polici më 4 janar për Xhaferrin, i cili po atë ditë kishte tentuar ta përdhunonte.
Në fillim ai nuk e ka pranuar ngjarjen, më pas në ballafaqim me vajzën dhe nënën ai ka thënë se ka ndodhur dy herë dhe se nuk ishte i vetëdijshëm
“Në momentin që vajza ka ardhur dhe e ka akuzuar në prezencë të saj që ai kishte dy vjet që abuzonte sekualisht me të duke kryer marrëdhënie seksuale, deklaruesja pohon se përgjigjja e bashkëshortit të saj ishte se ka ndodhur dy herë, por ai ka qenë në gjendje të pavetëdijshme”, thuhet në dosjen e gjykatës.
Nëna e 12-vjeçares i ka kërkuar 40-vjeçarit që të zhdukej nga jeta e saj, ndërsa ai është shprehur se do të vrasë veten dhe është larguar. Të nesërmen e ka takuar përsëri dhe i ka thënë se nuk mund të jetojë pa ata dhe i ka treguar se nëse nuk do ktheheshin bashkë ai do të pinte një ilaç dhe të helmohej.
Elidon Xhaferri nga fshati Kalasë i Delvinës, mësohet se ka qenë me precedentë të mëparshëm penal. Xhaferri në vitin 2013 kishte plagosur me thikë një person nga Ksamili, për motive të dobëta.
/Gazetareforma.com/
