Presidenti i Koresë së Jugut, Yoon Suk-yeol, premtoi ndryshime në administratën e tij konservatore, pasi partia opozitare arriti të fitonte zgjedhjet e të mërkurës. Me 99 përqind të votave të numëruara, opozita kryesore Partia Demokratike (PD) dhe partia e saj satelitore duket se kanë fituar së bashku 175 vende në parlamentin prej 300 vendesh. Sipas mediave të huaja, partia e Rindërtimit të Koresë, e konsideruar aleate me PD-në, pritej të merrte rreth 12 mandate.
Pjesëmarrja ishte 67 përqind, më e larta e regjistruar ndonjëherë për një zgjedhje parlamentare.
“Kur votuesit më zgjodhën mua, ishte gjykimi juaj kundër administratës Yoon Suk-yeol dhe ju po i jepni Partisë Demokratike detyrën të marrë përgjegjësinë për jetesën e njerëzve dhe të krijojë një shoqëri më të mirë,”- tha kreu i PD-së Lee Jae-myung.
Zgjedhjet e së mërkurës u panë gjerësisht si një votë besimi për Yoon, një ish-prokuror, i cili mund të garojë edhe si president për të marrë një mandat 5-vjeçar.
Presidenti Yoon ka dhe 3 vite të mbetura në detyrë. Pas humbjes së zgjedhjeve të partisë së tij, kryetari i kësaj force politike dha dorëheqjen, ndërsa kryeministri që i përket të njëjtës parti ka ofruar gjithashtu dorëheqjen.
