Ditën e sotme kancelaria e Gjermanisë, Angela Merkel ka qenë në një vizitë në Shqipëri, ku dhe takoi të gjithë kryeministrat e Ballkanit Perëndimor. Një incident ndodhi gjatë konferencës së përbashkët me kryeministrin, Edi Rama ku ky i fundit censuroi gazetarët e Kosovës të bënin pyetje. Së fundmi ka reaguar edhe Federata Europiane e Gazetarëve, e cila e ka cilësuar si turp veprimin e bërë ndaj gazetarëve nga Kosova.
“Turp për Kryeministrin Shqiptar Edi Rama, i cili qëllimisht i shpërfilli pyetjet e gazetarëve nga Kosova. Federata Europiane e Gazetarëve dënon këtë veprim skandaloze”, thuhet në reagimin e Federata Europiane e Gazetarëve.
Kujtojmë se një moment tensioni është shënuar në përfundim të konferencës Rama-Merkel ditën e sotme, teksa gazetarët nga Kosova nuk janë lejuar të bëjnë pyetje. Pasi të dy iu përgjigjën disa pyetjeve, moderatorja ndërhyri duke mbyllur konferencën pasi duhej të vazhdohej me axhendën.
Gazetarët nga Kosova kanë shprehur revoltën e tyre, duke thënë se edhe ata ishin të pranishëm. Rama ndërhyri duke thënë se kancelarja nuk ua kishte borxh kohën. Konferenca e përbashkët mes Ramës dhe Merkelit ishte parashikuar me deklarata individuale e më pas vetëm 4 gazetarë u lejuan të bënin pyetje. Përplasja mes gazetarëve dhe kryeministrit Rama erdhi pasi ky i fundit nu ki kurseu kritikat për Kosovën, pasi këta nuk pranuan të merrnin pjesë në “Open Balkans”. Ai e quajti këtë vendim të gabuar dhe tha se nëse në Prishtinë nuk do të merreshin me konspiracion, kjo nismë do të sillte shumë përfitime.
