Ish-deputeti i Partisë Demokratike, Mark Marku dhe deputeti Agron Shehaj kanë pasur debate të ashpra mbrëmjen e sotme në emisionin “Opinion”. Marku tha se Shehaj nuk mund të ishte kryetar i PD, duke e quajtur atë një matrapaz.
Ndërkohë, Shehaj iu kundërvu, duke thënë që ai doli hapur kundër Bashës dhe tha çfarëmendonte për të. Shehaj tha se ishte mentalitet komunist, që t’i drejtoheshe një biznesmeni me fjalën matrapaz, ndërsa Marku e quajti një personalitet të ulët në krahasim me Lulzim Bashën,
Pjesë nga debati:
Mark Marku: Ti nuk guxove të ishe kundërshtar i Bashës, nuk arrite të mbaje një fjalim atje
Agron Shehaj: Leksione trimërie dhe guximi nuk mi jep dot mua. Unë ndërkohë që dola kundër Bashës si alternativë, ti bëje fushatë për Lulzim Bashën i nderuar. Nuk më jep dot leksione.
Mark Marku: Ju aty nuk hodhët asgjë…
Agron Shehaj: Ku ishe në fushatë. Ti thoshe që duhet të ndryshojmë Partinë Demokratike por jo kryetarin. Pa më shpjego pak si ndryshohet PD po nuk u ndryshua kryetari.
Mark Marku: Unë nuk isha për ndryshim që të shkonte nga Basha tek ti.
Agron Shehaj: Unë kam thënë troç se çfarë mendoj për Lulzim Bashën. Ti i bëre fushatë Lulzim Bashës dhe më thua mua që nuk pata guxim. Për atë që the më vonë se ky nuk e bën dot.
Mark Marku: Unë mendoj që një matrapaz nuk bëhet dot kryetar i PD-së.
Agron Shehaj: Për kë e ke fjalën? Unë jam matrapaz?
Mark Marku: Po, je tregtar.
Agron Shehaj: Je mirë nga mendja?
Mark Marku: Je biznesmen. Nuk duhet një biznesmen në politikë. Jam për këtë.
Agron Shehaj: Kujt i plasi.
Mark Marku: Je një personalitet i ulët krahasim me Bashën.
Agron Shehaj: Ti je i ulët se nuk ta mbajti dhe ike. Ky mentalitet komunist. Tregtia qenka baraz me matrapaz.
