Më habit shumë si nuk kanë folur asnjë fjalë për vjedhjet e kompanisë BANKERS PETROL, këta “denoncuesit” e mëdhenj të PD që nuk lënë gjë pa denoncuar.
Pse nuk flet ti, Jorida???
Po ti, Gazi???
Po ti, Gjekmarkaj, qoftë edhe në mënyrë satirike siç bën shpesh???
Po ti, Albana???
Po ti, Belind???
Se për Klevisin, Besardin apo Oerdin, e di që nuk kanë kohë, ngaqë “bëjnë” shumë denoncime për gjëra të tjera shumë më të “rëndësishme” se vjedhja e 15 miliard eurove.
Këta të tjerët nuk po i pyes, se ndoshta i rendoj kot dhe ju heq vëmendjen nga përgatitjet për revolucionin e shtatorit, duke takuar Blushin e LSI, që i bie njëherë telefoni e njëherë ora e dorës gjatë konferencave të shtypit në seli.
Po për Jani Karathanasin, që ka marrë 130 milion euro dhe konçension për laboratorët, dhe Klod Allajbeun, që ka marrë 110 milion euro konçension për dializën, pse nuk flisni ju, Jorida, Gazi, Gjekmarkaj, Vokshi, Oerd, Besard, Belind, Klevis????
Po ti, Doktor Alimehmeti, që po kërkon “hapjen” pa kufij të PD-së, pse nuk e hap njëherë gojën për të gjitha këto vjedhje???
Madje, konçensionet e Janit (130 milion euro) dhe të Klodit (110 milion euro) janë në shëndetësi, meqë je mjek!!
Flisni, mor opozitarë, flisni për çdo aferë korruptive, tender e konçensione hajdute, se deri dje nuk ju “lejonte” ai shejtan Basha për të folur për konçensionin e rrugës Thuman-Kashar, për traun e Kukësit, traun në Rinas, konçensionin e SGS, atë të ALEATIT, Rapiskanit, ngjyrimit të naftës, për aeroportin e Rinasit, të Kukësit dhe Vlorës, etj.
Se për Alabarin në portin e Durrësit nuk ju lejonte Fred Rrusho me zyrën e tij, që kishte fituar “tenderin” e ekspertizës financiare të këtij investimi dhe do marrë 60-70 milion euro si “ekspert”, e prandaj dha dorëheqjen si deputet.
Flisni, mor opozitar, se edhe Lyli, që dilte çdo ditë duke i bërë “presion” Ramës, duke i thënë “O Ramë”, iku si shurra e pulës dhe nuk del më.
Tani të gjithë shqiptarët opozitarë tek ju i kanë sytë.
Se Ramën e Lylin dhe tufën e tij, kanë 12 vjet që e vuajnë dhe e njohin se çfarë mashtruesi hipokrit është, e aq më shumë kur bën sikur i hakërohet Tur Metan Konstruktorit, duke i thënë që po fle gjumë si Lyli.
Po ti, Altin Dumani, pse nuk belbëzon asnjë fjalë për Bankersin???
A mos të ka bërë “synet” nga gjuha Xing Xhung Fuja apo studiot avokatore që kanë rrëzuar 13.5 milion euro si “këshillonjës”?
