Sekretari i Përgjithshëm i Partisë Demokratike, Gazment Bardhi ka kërkuar në Kuvend ngritjen e një komisioni hetimor për të verifikuar shpenzimet e Operatorit të Shpërndarjes së Energjisë Elektrike. Bardhi ka thënë se 235 milionë euro janë dhënë në procedura pa garë.
“41% procedurave të prokurimit janë me një operator – pa garë, me vlerë totale 235 milionë euro. 26% e procedurave janë shpenzime luksi, me vlërë rreth 70 milionë euro, ku nga këto vetëm për: automjete dhe karburant – 34 milion euro
rikonstruksion zyra dhe godina – 8.4 milionë euro
sherbim ruajtje- 23.5 milionë euro”, tha Bardhi.
“Kërkesa ime do të ishte që ne si Kuvend të ngrinim një komision të posaçëm për të hetuar këtë kompani sesi i shpenzon paratë e shqiptarëve”, u shpreh deputeti demokrat.
Ai deklaroi se momenti kritik për energjetikën vjen sepse OSHEE është kthyer në bankomat personal, ndërsa shtoi se shqiptarët janë vjedhur nga ky institucion si nga asnjë institucion tjetër.
Është moment kritik për energjetikën sepse OSHEE e keni kthyer si bankomat personal për interesat tuaja. Shqiptarët janë njohur me histori të dhimbshme kryefamiljarësh që jo vetëm janë futur në burg por edhe kanë vrarë veten. Kjo është seanca e borxhit.
Tre pika ka rendi i ditës. Në dy projektligje i kërkohet kuvendit leje për të marrë borxhe në këtë parajsë ekonomike që na ka siguruar qeverisja e Edi Ramës. Zonja ministre e dini që nën drejtimin e zotërisë që ka 8 vite në OSHEE që është drejtues politik në Durrës, shqiptarët janë vjedhur nga OSHEE si nga asnjë institucion tjetër”, tha Bardhi.
