Mirela Kumbaro reagon pas rikthimit në qeveri: Fillim i ri për përgjegjësi të reja

Mirela Kumbaro u emërua ministre për Mjedisin dhe Turizmin si dhe drejtuese e Partisë Socialiste për qarkun e Gjirokastrës.
Me anë të një postimi në rrjetet sociale ajo thotë se për të përgjegjësia e re është pjesë e besimit për ta bërë Shqipërinë më të mirë nga
Emërimi si ministre shënon rikthimin e Kumbaros në qeveri, teksa ajo thotë se për të përgjegjësia e re është pjesë e besimit për ta bërë Shqipërinë më të mirë nga ç’është sot. Gjithashtu Kumbaro e ka cilësuar si sfidë dhe mbarësi faktin që tashmë është drejtuese politike e PS-së për Gjirokastrën.
Statusi nga Mirela Kumbaro
Kjo javë që po mbyllet shënoi një fillim të ri për përgjegjësi të reja
Është koha të them se detyrat në qeverisje, angazhimi si deputete në Qarkun e Gjirokastrës, janë tashmë pjesë e jetës time aktive. Janë pjesë e jetës time sepse janë pjesë e besimit tim për ta bërë Shqipërinë më të mirë nga ç’është sot.
Këtë besim ma edukuan gratë dhe burrat e Qarkut të Gjirokastrës, duke bashkëjetuar çdo javë, çdo muaj e çdo vit nga 2017 e deri sot, me vështirësitë dhe gëzimet e njerëzve të tokës, të punës, të dijes, të sofrës dhe të bujarisë në Gjirokastër e Libohovë, në Tepelenë, Përmet e Këlcyrë, nga Dropulli në Memaliaj.
Andaj detyrën që Partia Socialiste, më caktoi si drejtuese politike e këtij Qarku e marr si më të madhin nderim, por edhe si një përgjegjësi serioze, sepse u detyrohem shumë banorëve të të 7 bashkive të Qarkut.
Por e marr edhe si sfidë e mbarësi. Pasi
Bledi Çuçi e kreu këtë detyrë aq bukur politikisht dhe aq njerëzisht të ndërtuar mirë, duke vendosur një standard qytetarie të frymës së ekipit, të punës në grup me njerëzit dhe me strukturat, kujtdo pas tij i mbetet një sfidë e madhe për ta arritur.
Kjo sfidë sot është e imja.
#GatiPerShqiperine