Presidenti i Republikës së Shqipërisë, Ilir Meta ka folur nga Shkodra për zgjedhjet e 25 prillit. Meta thotë se në krye të marshimit do të jetë pikërisht kryeqendra e veriut, për të cilën u shpreh se ka qenë dhe është frymëzim për demokracinë edhe në kohët më të errëta.
“Në themel të Kushtetutës, janë zgjedhjet e lira, vota e lirë dhe e barabartë e çdo qytetari”, tha fillimisht presidenti i Shqipërisë. “Jam i bindur se Shkodër do jetë në krye të marshimit, ka qenë frymëzimi për demokracinë edhe në kohët më të errëta. Duhet bërë çdo gjë, për suksesin e demokracisë, për zgjedhjet e lira, ne nderojmë jo vetëm sakrificat e martirëve të 2 prillit, por edhe të gjithë atyre që në emër të fjalës së lirë, demokracisë, lirisë së besimit u martirizuan.
Gramoz Ruçi akuzohet nga këto familje? Çdo përgjegjësi e problem që kam do e shlyej duke qenë në krye të zgjedhjeve të lira. Kështu do nderojmë edhe Havzi Nelën, klerikët, të vrarë nga regjimi total.
I bëj të qartë çdo qytetari që është zot i vendit, shkodranët dhe shqiptarët nuk kanë folur dot gjatë komunizmit, por pamundësia për të votuar në çoi aty ku na çoi. Tani kemi mundësi e jashtëzakonshme. Kemi votën”, përfundoi Meta.
