Ka përfunduar pas 12 orësh seanca maratonë për Teatrin Kombëtar në Gjykatën Kushtetuese. Seanca nisi që në orën 10:00 të mëngjesit, ndërsa mësohet se trupa gjykuese është tërhequr për vendimin, në lidhje me padinë e ngritur nga presidenti Meta për shembjen e teatrit.
Këshilltari ligjor i Presidencës, Bledar Dervishaj paraqiti para togave të zeza shkeljet e kryera nga qeveria dhe nga institusioni i Bashkisë në këtë çështje.
Ndërkohë, pas përfundimit të seancës ka folur edhe avokatja Adriana Kalaja e cila tha se sot u bë realisht gjykimi i themelit të çështjes, ku presidenti dhe Aleanca për Mbrojtjen e Teatrit kërkoi e ligjit special të 2018 të VKM së transferimit të pronës së 2020 dhe vendimit të Bashkisë pë shembjen e teatrit. Ajo tha se pas një debati të gjatë Gjykata Kushtetuese u tërhoqe për të marrë vendimin
“Siç jeni në dijeni, mbaruam një seancë maratonë, filloi 10 paradite. Sot u bë realisht gjykimi i themelit të çështjes, ku Presidenti dhe Aleanca kërkuam shfuqizimin e ligjit special të 2018 të VKM së transferimit të pronës së 2020 dhe vendimit të Bashkisë pë shembjen e teatrit.
Pas një debati të gjatë siç e keni ndjekur, Gjykata Kushtetuese e mbylli hetimin, administroi provat dhe u tërhoq për të marrë vendimin përfundimtar”, tha Kalaja.
