Është mbyllur mbledhja e Këshillit të Mandateve për ish-ministrin Arben Ahmetaj. Sekretari i i Përgjithshëm i PD-së, deklaroi për mediat se ndryshe nga sa mbledhja u zhvillua me dyer të mbyllura, duhet të ishte Këshilli i Rregullores që të vendoste për këtë, ku rikujton këtu dhe kërkesën e opozitës që në fillim të mbledhjes për të qenë me dyer të hapura për mediat.
Bardhi tregon se avokatët e ish-ministrit kanë qenë në dijeni që Ahmetaj nuk ndodhet në Shqipëri, megjithatë nuk kanë një informacion për vendndodhjen e saktë të tij.
Pyetjeve të bëra prej Bardhit, SPAK nuk u ka kthyer përgjigje, me argumentin e sekretit hetimor.
Sakaq, bëhet me dije, se mbledhja do të zhvillohet ditën e nesërme në orën 16:00, pas kërkesës së avokatëve, për të pasur kohën e nevojshme në dispozicion për të shqyrtuar dosjen voluminoze me 400 faqe.
Bardhi: Siç jeni në dijeni mbledhja e Këshillit të Mandateve filloi me kërkesë të deputetëve të opozitës që mbledhja të ishte e hapur. Sipas Kushtetutës, duhet të ishte Këshilli i rregullores për të vendosur nëse do ishte me dyer të hapur.
Në mënyrë arbitrare, u vendos të ishte me dyer të mbyllura.
Nuk ka pasur informacione shtesë, prandaj duhet të ishte transparente për mediat që të dihej çfarë u tha.
Avokatët dinin që kishte ikur, por nuk dinin se ku ndodhej në këtë moment.
Në një tentativë për t’i dhënë kohë Ahmetajt, u vendos të shtyhet për nesër, ndërsa autorizimi bëhet javën që vjen. Një ndihmë nga mazhoranca, që Ahmetaj të fshihej nga drejtësia. Është Gjykata që do vendosë më pas nëse Ahmetaj do shkojë në burg apo jo.
Kam pyetur SPAK-un që nëse ndodhet në Shqipëri apo Kanada, nuk kam marr përgjigje, prandaj nuk dua të aludoj. E rëndësishme është që me informacionet që dispononim, u konfirmua prej avokatëve që nuk ndodhet në territorin e Shqipërisë. Mes datave 7 dhe 10 korrik, ka kaluar kohë e mjaftueshme që Ahmetaj të largohet.
Nuk morëm asnjë përgjigje për pyetjet e bëra.
Nesër do të dëgjojmë pretendimet e avokatëve, që kërkuan të shqyrtohen provat. Ne si opozitë nuk kemi fuqi për të nxitur hetime në SPAK, avokatët nuk e kanë konfirmuar nëse ka presion nga Edi Rama.
Avokatët pretenduan që nuk është arratisur. Kanë kërkuar 24 orë të tëra. E gjitha kjo vonesë nuk ka ndodhur në raste të tjera. Për PD-në, ahmetaj duhet të ishte në burg që prej 2020. E përgëzoj Prokurorinë, që e ka shtrirë hetimin dhe te pasuria e tij.
